कैलारी गाउँपालिकामा ट्रान्सफर्मर जडान गर्ने क्रममा करेन्ट लागेर एक युवाको मृत्यु भएको छ।
कैलालीको कैलारी गाउँपालिका -६ बेनौलीमा शुक्रबार दिउँसो विजुलीको पोलमा ट्रान्सफर्मर राख्ने क्रममा धनगढी उपमहानगरपालिका–१९ फुलवारी बस्ने २० वर्षीय बिमल चौधरीको करेन्ट लागेर मृत्यु भएको हो ।
करेन्ट लागेर गम्भीर अवस्थामा रहेका चौधरीलाई उपचारका लागि सेती प्रादेशिक अस्पताल लगिएकोमा चिकित्सकले परीक्षणपछि मृत घोषणा गरेका थिए। घटनाबारे थप अनुसन्धान भइरहेको जिल्ला प्रहरी कार्यालय कैलाली ले जनाएको छ।
प्रकाशित : २०८२ फाल्गुन २ शनिबार प्रकाशित
समाचार 