सत्ति /कैलालीको टिकापुर स्थित नारायणपुर जेसिजको २५ औं शाखा अधिवेशन सम्पन्न भएको छ ।
शनिबार भएको शाखा अधिवेशन बाट वर्ष २०२५ को लागि शाखा अध्यक्ष पदमा संगित शाही चयन भएका छन् । शाखा अधिवेशनले कार्यकारि उपाध्यक्षमा ज्ञानबहादुर रावल र पदम बहादुर साउँद चयन भएका छन् भने ,उपाध्यक्षहरुमा विकल्प खड्का,अशोक चौधरी,किरण थापा र बिनोद चौधरी चयन भएको निर्वाचन समितिका सदस्य भिम विकले जानकारी दिए । 
नवनिर्वाचित अध्यक्ष संगित शाहीले शाखाको महासचिवमा विकास रावल ,कानुनी सल्लाहकारमा रोमित चौधरी काेषाध्यक्षमा निरञ्जन रावल र बोर्ड अफ डाइरेक्टरमा शंकर के.सी. लाई मनाेनित गरेको जानकारी दिए । नारायणपुर जेसिज वर्ष २०२५ का अध्यक्ष दिलिप बुढाको अध्यक्षतामा भएको कार्यक्रममा नेपाल जेसिजका राष्ट्रिय उपाध्यक्ष रुपक विष्ट प्रमुख अतिथि रहेका थिए ।
विशिष्ट अतिथि टिकापुर नगरपालिका वडा न ६ का अध्यक्ष बलिराम चौधरी रहेका थिए । कार्यक्रममा ट्राफिक व्यवस्थापनमा अतुलनीय याेगदान गरेको भन्दै टिकापुरमा कार्यरत ट्राफिक प्रहरी हवलदार देवि धिताल र लागूऔषध नियन्त्रणमा गाउँ बस्तीमा याेगदान गरेको भन्दै प्रहरी चाैकि सत्तिका इन्चार्ज सुशील चन्दलाई सम्मानित गरिएको थियोे ।
नवनिर्वाचित समितिलाई पद तथा गाेपनियताकाे सपथ ग्रहण निर्वाचन समितिले गराएको थियो । शाखा अधिवेशनमा विभिन्न वक्ताले मन्तव्य राखेका थिए । नवनिर्वाचित अध्यक्ष शाहीलाइ निवर्तमान अध्यक्ष दिलिप बुढाले चेन हस्तान्तरण गरेका थिए ।
समाचार 