सत्ति / टिकापुर नगरपालिका वडा नम्बर ८ श्रीलंका क्षेत्र बाघ आतंक बाट त्रसित बनेको छ ।शुक्रबार बिहानै साढे दस बजे स्थानीय २७ वर्षका पवन आउजि लाई आक्रमण गरेर घाइते बनाएको छ । घर नजिकैको गहुँ खेतमा गएको बेलामा उनलाई बाघले आक्रमण गरेको हो । घाइते आउजिकाे दायाँबायाँ हात र बायाँ कानमा चिथाेरेकाे बताइएको छ ।
बाघले आक्रमण गर्दा स्थानीयले हाेहल्ला गरेकोले बाघ जंगल पसेको थियो । बाघले मान्छे आक्रमण गरेको जानकारी पछि त्यहाँ स्थित शसस्त्र प्रहरी बल र प्रहरी चाैकि कालाकुण्डा परिचालन भएको थियो । घाइते आउजिकाेको उपचार पछि उनलाई घरमा ल्याइएको बताइएको छ ।
बिहान एक युवालाई आक्रमण गरेको बाघले साँझ एउटा गाई मारेको स्थानीयकाे भनाइ छ ।एकैदिनमा भएको दुईवटा घटना बाट स्थानीय त्रसित भएका छन् । साे क्षेत्रमा दुई हप्ता अगाडि एक भारतीय नागरिकलाई खाएको , कर्णाली नदिकाे बिचमा बनेको टापुमा रहेका छाडा गाई लाई हरेक दुई तीन दिनमा खाने गरेको स्थानीय भिम महरले बताए ।
हालसम्म करिब आधा दर्जन छाडा गाई बाघले खाएको महरले बताए । साे क्षेत्रमा अहिले सुरक्षाकर्मी परिचालन भइ स्थानीयलाई सचेत रहनका लागि आग्रह गरेको छ भने बर्दिया राष्ट्रिय निकुञ्जका कर्मचारीले साे बाघको ड्राेन बाट खाेजि तथा निगरानी गरिरहेकाे बताइएको छ ।
समाचार 
