जापानका वैज्ञानिकहरूले झरेको दाँतलाई पुनः उम्ल्याउन सकिने चमत्कारी औषधीको आविष्कार गरेका छन्। कीयोतो विश्वविद्यालयका अनुसन्धानकर्ताहरूले तयार पारेको यो औषधीले दन्त चिकित्सा क्षेत्रमा नयाँ क्रान्ति ल्याउने विश्वास गरिएको छ।
वैज्ञानिकहरूका अनुसार, औषधीले ‘USAG-1’ नामक प्रोटिनलाई रोक्ने काम गर्छ, जसले गर्दा नयाँ दाँतको वृद्धि प्रक्रियालाई अवरुद्ध हुने गर्दछ। जब यो प्रोटिनलाई नियन्त्रण गरिन्छ, शरीरले प्राकृतिक रूपमा दाँत उमार्न थाल्दछ।
हाल यो औषधी मुसा र कुकुरमा सफल परीक्षण गरिसकिएको छ र अब सन् २०२५ बाट मानवमा परीक्षण गरिने तयारी भइरहेको वैज्ञानिकहरूले जनाएका छन्। यदि यो परीक्षण सफल भयो भने दाँत झरेका मानिसहरूलाई पुनः प्राकृतिक दाँत पाउने आशा जगाउनेछ।
वैज्ञानिक टोलीका प्रमुख डा. कात्सुहिको हायाशीले भने, “हामी मानिसमा तेस्रो प्रकारको दाँत विकास गर्ने सम्भावनामा विश्वास गर्छौं। यो दन्त चिकित्साको इतिहासमा महत्वपूर्ण उपलब्धि बन्न सक्छ।”
यो औषधी विशेषगरी ती बालबालिका, युवाहरू वा वयस्कहरूका लागि प्रभावकारी हुने विश्वास गरिएको छ, जसको दाँत जन्मजातै नआएको वा दुर्घटनाका कारण झरेको हो।
अब भविष्यमा कृत्रिम दाँत वा इम्प्लान्टको विकल्पका रूपमा प्राकृतिक दाँत पुनः उमार्ने सम्भावना बलियो देखिएको छ।
समाचार 
