सत्ति/टीकापुर–६ नारायणपुरमा गणेश उत्सव–२०८२ सुरु भएको छ ।
गणेश चतुर्थीको अवसरमा साे उत्सव सुरु भएको हो । सत्तिकाे पद्म प्रकाशेश्वर मन्दिरबाट बाजागाजा, भजन र नृत्यका साथ गणेश मूर्ति स्थापना भएको हो।
हिन्दु धर्मावलम्बीले सबैभन्दा पहिले पूजा गरिने श्रीगणेशलाई बाधा हरणका रूपमा मान्ने परम्परा अनुरुप शुरु भएको गणेश उत्सव कार्यक्रम भदौ १७ गतेसम्म संचालन हुनेछ। बिहान पूजा र बेलुकी ८ बजेदेखि भजनकीर्तन तथा सांस्कृतिक कार्यक्रम हुने आयोजक संस्थाका सचिव कुलराज खनालले जानकारी दिए। भदौ १७ गते मूर्ति विसर्जन हुने उनलेे बताए ।
गणेश उत्सव समितिका लागि टीकापुर ६ नं वडा लक्ष्मीनारायण सहकारी र सामुदायिक सहकारीले विशेष सहयोग गरेका छन्।
उत्सव उद्घाटन कार्यक्रमको अध्यक्षता ओपेन्द्र खड्काले गरेका थिए भने टीकापुर नगरपालिकाका नगर प्रमुख रामलाल डगौरा प्रमुख अतिथि रहेका थिए।
कार्यक्रममा विभिन्न महानुभावले आफ्ना धारणा राखेका थिए ।
समाचार 
