टीकापुरबाट बुधबार लागू औषध सहित ४ जना पक्राउ परेका छन ।
पक्राउ पर्नेमा लम्किचुहा नगरपालिका वडा न.६ गुलरा बस्ने २४ वर्षिय सुरेश रावल, ऐ.ऐ बस्ने २० वर्षिय प्रमोद धामी,ऐ.ऐ. बस्ने २३ वर्षिय तुषार कटुवाल र जानकी गाँउपालिका वडा नं.९ बस्ने २५ वर्षिय अनिष रावल रहेका छन ।
उनीहरु टीकापुर नगरपालिका वडा नं.१ स्थित शेरचन होटलको कोठा नं.११० मा बसेर लागु औषध (खैरो हेरोईन) सेवन गरी रहेको अवस्थामा फेला परेका हुन । पक्राउ पछि खानतलासी गर्दा निजहरु बसिरहेको खाटको सिरानि मुनि लुकाई छिपाई गरी राखिएको अवस्थामा शुद्ध तौल ३ (तिन) ग्राम ६५० (छ सय पचास) मिलिग्राम लागु औषध (खैरो हेरोईन) जस्तो देखिने धुलो पदार्थ बरामद गरिएको प्रहरीले जनाएको छ ।
प्रहरीका अनुसार उनीहरुलाई कैलाली जिल्ला अदालतबाट पहिलो पटक दिन-५ (पाँच) को म्याद थपको अनुमती लिई थप अनुसन्धान कार्य जारी रहेको छ ।
समाचार 
