खक्राैला / टीकापुर ९ खक्राैला स्थित भानुभक्त आधारभूत विद्यालयले शुक्रबार सामाजिक परीक्षण तथा सार्वजनिक सुनुवाइ सम्पन्न गरकाे छ । 
सामाजिक परीक्षण तथा सार्वजनिक सुनुवाइ प्रतिवेदनमा शैक्षिक, आर्थिक र भौतिक अवस्थाको प्रतिवेदन सार्वजनिक गरिएको थियोे। शैक्षिक सत्र २०८०/०८१ मा पढाइ भएका दिन,आम्दानी परीक्षा संचालन, तलब–भत्ता खर्च, अनुदान र अन्य खर्च तथा बैंक मौज्दात लगायतका विवरण विद्यालयका शिक्षक गाेपि धामीले प्रस्तुत गरेका थिए।
शिक्षक अभिभावक संघका अध्यक्ष शत्रुघन गाेडियाकाे अध्यक्षतामा भएको साे कार्यक्रमका टीकापुर नगरपालिका शिक्षा युवा तथा खेलकुद शाखा प्रमुख नरेश अवस्थी प्रमुख अतिथि रहेका थिए भने विशिष्ट अतिथिमा विद्यालय व्यवस्थापन समितिका अध्यक्ष बिर्ख खड्का रहेका थिए ।
विद्यालयका प्रधानाध्यापक विक्रम धामीले स्वागत मन्तव्य राखेका थिए भने कार्यक्रममा विद्यार्थीकाे तर्फबाट राज आउजि,जनता राष्ट्रिय मावि बैदिका शिक्षक भिम बहादुर वि.क. विद्यालय व्यवस्थापन समितिका अध्यक्ष बिर्ख खडका, टिकापुर नगरपालिका शिक्षा शाखा प्रमुख नरेश अवस्थिले मन्तव्य राखेका थिए । विद्यालयकाे आर्थिक वर्ष २०८१/०८२ काे ६९ लाख ८१ हजार ८ रुपैयाँकाे आयव्यय विवरण प्रस्तुत गरिएको थियोे । विद्यालयकाे विभिन्न बैंक तथा वित्तीय संस्थामा १ लाख २६ हजार ९३४ रुपैयाँ बचत रहेको र लक्ष्मी नारायण बहुउद्देश्यीय सहकारी संस्था नारायणपुरमा १५ लाख रुपैयाँको मुद्दति खाता रहेको जानकारी गराइएको थियोे
समाचार 
