सत्ति/टीकापुर १ स्थित खड्ग मेमोरियल सेकेण्डरी स्कुलले पुर्व सहायक प्रधानाध्यापक मेरी वर्गीसको निधनमा शुक्रबार शोक विदा दिने भएको छ ।
स्कुलले कात्तिक १४ गते शुक्रबारका दिन शोक विदा दिने प्रधानाध्यापक हिरण्ड शर्माले जानकारी दिए । वर्गीसको दुःखद निधनप्रति स्कुलले आज ( बिहीबार ) शोक सभा गरेको छ । शोक सभामा विद्यालय व्यवस्थापन समितिका पदाधिकारी, शिक्षक, कर्मचारी र विद्यार्थीहरुको उपस्थिति रहेको थियो ।
शोक सभामा शिक्षक राजेन्द्र चौधरीले मेरी वर्गीसको व्यक्तित्वको बारेमा प्रकाश पारेका थिए । स्व. मेरि वर्गीसले उर्जावान ३० वर्ष टीकापुरमा शैक्षिक विकासमा खर्चिएकी थिईन ।
उनले टीकापुरस्थित बिरेन्द्र विद्या मन्दिर मावि र खड्ग मेमोरियल सेकेण्डरी स्कुलमा अध्यापन गरेकी थिईन । उनी २०४४ देखी २०५९ सम्म खड्ग मेमोरियल स्कुलको सहायक प्रधानाध्यापक रहेकी थिईन ।
सन १९३३ अप्रिल २२ तारिखमा जन्मिएकी वर्गीसको २०२५ अक्टोवर १५ तारिखमा भारतको दिल्लीमा निधन भएको थियो । उनी टीकापुरमा शिक्षाको जग बसाउने थोमस वर्गीसकी धर्मपत्नी हुन ।
समाचार 
