सत्ति / टिकापुर नगरपालिका वडा नम्बर ६ नारायणपुर स्थित लक्ष्मी नारायण बहुउद्देश्यीय सहकारी सुदुरपश्चिम प्रदेशमा उत्कृष्ट सहकारीको रुपमा पुरस्कृत भएको छ ।
कैलालीको धनगढीमा शनिबार भएको राष्ट्रिय सहकारी बैंककाे बाइसाैं वार्षिक साधारणसभा बाट सम्मानित तथा पुरस्कृत भएको हो । राष्ट्रिय सहकारी बैंकमा आवद्ध एकाइ ७ अन्तरगत सुदुरपश्चिम प्रदेशका सम्पुर्ण जिल्लाहरुका प्रतिनिधिहरुकाे भेलाले सहकारीलाई सम्मानित गरेको हो ।
सहकारीले सहकारीको विकास ,प्रवर्द्धन र सामाजिक रुपान्तरणमा पुगाएकाे याेगदानकाे उच्च मुल्यांकन गर्दै उत्कृष्ट प्रादेशिक सदस्य (बचत तथा ऋण बाहेकको काराेवार गर्ने सुदुरपश्चिम प्रदेशका सदस्य संस्थाहरु मध्ये) सम्मान तथा पुरस्कार विधामा सम्मानित गरिएको सहकारीका अध्यक्ष कपुरसिंह कडायतले जानकारी दिए ।
लक्ष्मी नारायण बहुउद्देश्यीय सहकारीले शिक्षा ,स्वास्थ्य र सामुदायिक क्षेत्रमा गरेको कामको सहकारी बैंकले मुल्यांकन गरि पुरस्कार तथा सम्मान गरेको अध्यक्ष कडायतले बताए ।
लक्ष्मी नारायण बहुउद्देश्यीय सहकारी संगै सुदुर पश्चिम प्रदेशको बचत तथा ऋण सहकारी मध्ये बाट मेघा बचत तथा ऋण सहकारी भिमदत्त नगर कञ्चनपुरलाई पनि सम्मानित गरिएको थियोे ।
सहकारीको ईमानदारीता र लगनशीलताले साे सम्मान र पुरस्कार प्राप्त गरेको राष्ट्रिय सहकारी बैंकका संचालक समिति सदस्य तथा कार्यक्रमका प्रमुख अतिथि तारा गुरुङले बताइन् ।
समाचार 
