टीकापुर / हालै प्रकाशित एसईई २०८१ नतिजामा कैलाली जिल्लाका ७ विद्यार्थीले ४.० जीपीए ल्याएका छन् । तीमध्ये १ जना सामुदायिक र ६ जना निजी विद्यालयका हुन्।
सामुदायिक विद्यालयबाट ४ जिपिए ल्याउनेमा धनगढी उपमहानगरपालिका वडा नं. ३ मा रहेको त्रिभुवन माध्यमिक विद्यालय बोराडाँडीका विद्यार्थी अशोक अवस्थी रहेका छन । अन्य चार जना भने धनगढी र सुख्खड क्षेत्रका निजी विद्यालयका छात्रछात्रा रहेका छन । सुख्खडमा रहेको पायोनियर्स एकेडेमीका रक्षा बुढा,
धनगढी उपमहानगरपालिका वडा नं. ८ मा रहेको एरिस्टो बोर्डिङ स्कुलका दुई विद्यार्थी गौरव उपाध्याय र प्रदीप गिरीले ४ जीपीए ल्याएका छन् भने धनगढीकै जेसीज एभरेष्ट स्कुलका जस्टिन चन्दले समेत ४ जीपीए ल्याएका छन् ।
यस्तै टीकापुरबाट ४ जिपिए ल्याउनेमा टीकापुर स्थित गणेशबाबा बोर्डिङकी भुवन उपाध्याय (भावना) र युनाइटेड एकेडेमीका निखिल लोहार रहेका छन । त्रिभुवन मावि बोराडाँडीका अशोक अवस्थी मात्र ४ जीपीए ल्याउने विद्यार्थी हुन्।
यस वर्ष कैलालीमा १४,३६६ नियमित परीक्षार्थीमध्ये ६,१७९ (४१%) मात्र उत्तीर्ण भएका छन्।










समाचार 