रोल्पामा जीप दुर्घटना हुँदा एक जनाको मृत्यु भएको छ ।
बुधबार राति पौने १० बजेतिर सुनिलस्मृति गाउँपालिका ४ धुलेओडारमा लु २ च ८०१५ नम्बरको पिकअप जीप सडकबाट अन्दाजी ३ सय मिटर तल खोलामा खसेको थियो ।
लुङग्री गाउँपालिकाको किलाचौरबाट सुलिचौर तर्फ जाँदै गर्दा जिप दुर्घटना हुँदा सुनछहरी गाउँपालिका, ६ का ३२ वर्षीय चालक थम्मन रोका मगरको मृत्यु भएको हो। उनको उपचारका क्रममा प्राथमिक स्वास्थ्य केन्द्र सुलिचौरमा बिहीबार बिहान ३ बजेतिर मृत्यु भएको जिल्ला प्रहरी कार्यालय रोल्पाले बताएको छ।
सो दुर्घटनामा परी जिल्लाको लुंग्री गाउँपालिका, ७ हार्जङका ४० वर्षीय खिमबहादुर पुन, लुंङग्री, ४ सालडाडाँकी २७ वर्षीया भावना गिरी र उनकी ५ वर्षीया छोरी शान्ति गिरी घाइते छन्। सुलिचौरको उपचारपछि तीनै जना घाइतेलाई थप उपचारका लागि मेडिकल कलेज भैरहवाका लागि रेफर गरिएको छ।










समाचार 