सत्ति / गएराती देखिको अविरल वर्षासँगै आएको बाढीले दार्चुला सदरमुकाम खलङ्गाको बंगाबगड क्षेत्रमा ठूलो क्षति पुर्याएको छ। 
बाढीका कारण एक दर्जन घर बगेका छन्। एउटा झोलुङ्गे पुल र एउटा पक्की पुलसमेत बगाएको जिल्ला प्रहरी कार्यालय दार्चुलाका निमित्त प्रमुख एबं प्रहरी निरीक्षक जगत गाहा मगरले जानकारी दिए। हालसम्म ११ जना बेपत्ता भएको उनले जानकारी दिए। 
घटनास्थलमा उद्धार कार्यका लागि नेपाली सेना, नेपाल प्रहरी र सशस्त्र प्रहरीको टोली खटिएको छ ।लास्कु खोला र महाकाली नदीमा ठूलो बाढी आएको छ। नदि कटानकाे जाेखिममा अझै दर्जन बेशि घर नदिमा खस्ने खतरा रहेको बताइएको छ ।
प्रकाशित : २०७९ भाद्र २५ शनिबार प्रकाशित
समाचार 
