सत्ति / टीकापुरस्थित ग्रेट हल एजुकेसनल कन्सल्टेन्सीले शैक्षिक क्षेत्रमा उत्कृष्ट नतिजा ल्याउने विद्यार्थी र विधालयलाई सम्मान सहित पुरस्कृत गरेको छ ।
माध्यमिक शिक्षा परिक्षा (एसईई) २०८१ मा उत्कृष्ट अंक ल्याएर उत्तीर्ण हुने सामुदायिक र संस्थागत विद्यालयका चारजना विद्यार्थी सहित विधालयलाई पुरस्कृत र सम्मान गरेको हो । उत्कृष्ट अंक ल्याएर उत्तीर्ण हुने निजी विद्यालयतर्फ गणेशबाबा बोर्डिङ स्कुलका छात्रा भुवन उपाध्याय र युनाईटेड एकाडेमीका छात्र निखिल लुहारलाई जनही पाँच हजार रुपैयाँ सहित सम्मान गरिएको छ भने, सामुदायिक विद्यालयतर्फ कर्णाली माद्यामिक विधालय टीकापुरका छात्रा क्रिष्टिना पोखरेल र कर्णाली माद्यामिक विधालय सत्तीका छात्र अंकित टमट्टालाई समेत पाँच हजार रुपैयाँ सहित सम्मान गरिएको छ ।
Oplus
त्यो सँगै उत्कृष्ट अंक ल्याउने बिद्यार्थी अध्ययन गरेका चारवटै विद्यालयका प्रधानाध्यापकहरुलाई समेत संस्थाले दोसल्ला ओढाएर सम्मान गरिएको छ ।
जसमा कर्णाली माद्यामिक विधालय टीकापुरका धर्मराज शर्मा, कर्णाली माद्यामिक विधालय सत्तीका शिक्षक भरत साउँद, गणेशबाबा बोर्डिङ स्कुलका प्रधानाध्यापक गजेन्द्र बहादुर बुढा र युनाईटेड एकाडेमीका निरु शर्मा रहेका छन ।
सोही अवसरमा कन्सल्टेन्सी मार्फत जापान गएर निधन भएकी टीकापुर ७ की नविना बोहराका आफन्तलाई आर्थिक सहयोग समेत गरिएको छ । संस्था र विभिन्न व्यक्तिहरुबाट संकलन भएको चार लाख ९२ हजार चार १० रुपैयाँ मृतक बोहराका आफन्तलाई हस्तान्तरण गरिएको छ ।
कार्यक्रममा टीकापुर नगरपालिकाका प्रमुख रामलाल डगौरा थारुले संस्थाले गरेको कार्यको प्रशंसा गरेका छन् ।
युवाहरुमा विदेश जाने लहर चलेको , धेरैजसो युवाहरु प्लसटु सक्ने बित्तिकै विदेश गैरहेको बताउँदै त्यसलाई रोक्नको लागि सबै संयन्त्रले काम गर्न आवश्यक रहेको वक्ताहरुे बताएका थिए ।कार्यक्रम कन्सलटेन्सीका प्रबन्ध निर्देशक गणेश शाहीको अध्यक्षतामा भएको कार्यक्रमको सञ्चालन म्यानेजर बिरेन्द्र साउँदले गरेका थिए ।
संस्थाले गतवर्ष समेत एसईई परिक्षामा उत्कृट अंक ल्याएर उत्तीर्ण हुने विद्यार्थी बधाई तथा सम्मान गरेको थियोे ।
समाचार 
