दूर्गाैलि / शिक्षामा देखिने गरी परिवर्तन ल्याउने उद्देश्यका साथ जानकि गाउँपालिकाले विद्यालयको सुपरिवेक्षण गर्ने गरेको छ ।
गाउँपालिकाको वडा नम्बर ३ काे भृकुटी मावि, जनकल्याण आधारभूत विद्यालय, र ७ नम्बर वडा को माेति माविमा अनुगमन गरिएको जनाएको छ ।
विद्यालय अनुगमनमा नयाँ बनेका भौतिक संरचना, जीर्ण र जोखिमको अवस्था, शौचालय र कक्षा कोठामा सरसफाईको अवस्था लगायतका समस्याहरु फेला परेकाे जानकि गाउँपालिका शिक्षा शाखा अधिकृत धर्मानन्द कपाडिले बताए ।
शैक्षिक क्षेत्रलाई उकास्नको लागि सम्बन्धित वडाका अध्यक्ष ,विद्यालयका अध्यक्ष ,विद्यार्थी र शिक्षकहरुसँग छलफल गर्ने गरिएको कपाडिले बताए । अनुगमन तथा सुपरिवेक्षणका क्रममा जानकि गाउँपालिकाका प्रमुख प्रशासकीय अधिकृत आशिष चाैधरिले कक्षा ८,९ र १० विद्यार्थीलाई प्रेरणादायी क्लास लिने गरेको छ । 
जानकि गाउँपालिका अध्यक्ष गणेश चाैधरिले शिक्षाको गुणस्तर पछिल्लो समय सामुदायिक विद्यालयकाे खस्किदै गएको र शिक्षाको स्तर बढाउने उदेश्यका साथ नियमितरूपमा सुपरिवेक्षणमा लागेको बताए ।
विद्यालय सुपरिवेक्षण हुनु निकै सकारात्मक पक्ष भएको विद्यालय भृकुटी मावि सुर्वणपुरका शिक्षक टंक देवकोटाले बताए। 
सुपरिवेक्षण बेलाबेलामा भईरहे विद्यालयको समस्या दर्शाउन सजिलो हुने उल्लेख गरे । शिक्षाको गुणस्तर सुधार गर्ने विषयमा शिक्षक ईश्वर प्रसाद के सीले सकारात्मक सुझाव पनि राखेका थिए ।
त्यस्तै स्थानीयबिन्तीराम चाैधरिले अनुगमन शिक्षा सुधार्नमा यो अभियान सराहनीय भएको बताए ।
समाचार 
