बर्दिया जिल्ला गेरुवा नगरपालिका – ५ झबही घर भएकी १० वर्षीया एञ्जल देउवाको अपहरण पछि हत्या भएको छ । १७ गते देखि बेपत्ता देउवाको दुई दिन पछि गेरुवा गाउँपालिकाको एक वनमा गाडेको अवस्था शव भेटिएको थियो । 
लगातार पानी परिरहेको बेलामा प्रहरीको अनुसन्धान डाईभर्ट भएर नदी किनारा र खोल्सा खोल्सीमा खोजी सुरु गर्दा उनको शव भेटिएको हो ।
घटनाको पाँच दिनपछि प्रहरीले अपहरणपछि हत्या भएको पुष्टि गरेको हो । पाँच दिनसम्म विभिन्न रणनीतिक योजनासहित अनुसन्धान गरेको प्रहरीले ३० वर्षीय समिर तिरुवा सुनारलाई हत्या आरोपमा नियन्त्रणमा लिएको छ ।
बुधबार पत्रकार सम्मेलन गरी घटनाबारे जानकारी दिएको प्रहरीले एञ्जलको गहनाकै कारण हत्या गरेको सुनारले स्वीकारेको दावी गरेको छ । पत्रकार सम्मेलनमा प्रहरी उपरीक्षक सरोज पौडेलले भने, ‘प्रहरीले अनुसन्धानको क्रममा अन्यलाई पनि ल्याएका छौँ । पोष्टमार्टमका लागि शव पठाएका छौँ।
आरोपीको बयान अनुसार दुईटा सुनका बाला र सिक्री देखेपछि लुट्न खोज्ने क्रममा बालिकाले प्रहरी बोलाउँने बताएपछि घाँटी थिचेर हत्या गरेको खुलेको छ । आरोपिको बयानमा सुन लुट्ने क्रममा हत्या गरेको भनिए पनि बालीकाको परिवारले भने सामुहिक बलात्कार भएको तर प्रहरीले लुकाउन खोजेको भनाई छ ।
आरोपीले राजापुर र टिकापुरमा समेत बालिकाबाट लुटिएको गहना बेच्न हिडेको क्लू प्रहरीलाई मिलेको पौडेलले बताए ।
रुपन्देहीमा आफन्त कहाँ बसेर पढ्दै गरेकी एञ्जल दसैं मनाउन घर पुगेकी थिइन । आफन्तको बिहे भोजमा साइकलमा गएकी उनी अपहरणमा परेकी थिइन ।
समाचार 
