टीकापुर साहित्य समाजले टीकापुर साहित्य महोत्सव २०८२ को तेस्रो संस्करण यही चैत १३ देखि १५ गतेसम्म आयोजना गर्ने घोषणा गरेको छ। शनिबार आयोजित पत्रकार सम्मेलनमार्फत महोत्सवको मिति र कार्यक्रम सार्वजनिक गरिएको हो।
‘थारू साहित्य तथा सांस्कृतिक उत्सव’ विशेषका रूपमा आयोजना हुने त्रिदिवसीय महोत्सवमा २१ बहस सत्र रहने छन्।
महोत्सवको उद्घाटन भाषाविद् माधवप्रसाद पोखरेलको ‘हाम्रो जाति, भाषा र संस्कृति’ शीर्षकको विद्वत प्रवचनबाट हुनेछ।
महोत्सवमा भाषा, साहित्य, कला, संस्कृति, शिक्षा र समाजलगायत विषयमा छलफल हुनेछ। सुदूरपश्चिम कविता महोत्सवअन्तर्गत उत्कृष्ट कवितालाई नगद पुरस्कार प्रदान गरिनेछ। साथै कर्णाली नदी जलविहार, थारू सांस्कृतिक साँझ र पुस्तक प्रदर्शनी पनि आयोजना गरिने छ।
प्रकाशित : २०८२ माघ २४ शनिबार प्रकाशित
समाचार 