मोहित श्रीपाइली ,सत्ति /२०८१ सालको एसईई (माध्यमिक शिक्षा परीक्षा) को नतिजा सार्वजनिक भएसँगै टिकापुर नगरपालिकाका विद्यालयहरुको नतिजा मिश्रित देखिएको छ। टीकापुर नगरपालिकाबाट परीक्षा दिने कुल १६०९ विद्यार्थी मध्ये केवल ७९० जना अर्थात ४९.१०% विद्यार्थी मात्र ग्रेडेड भएका छन् भने ८१९ जना (५०.९०%) विद्यार्थी ग्रेडेड हुन सकेनन्।
सामुदायिक विद्यालय तर्फ ९७१ जनाले परिक्षा दिएका मध्ये २८५ जना उत्तीर्ण भएका छन भने ६८६ जनाले पुनः परिक्षा दिनुपर्नेछ । त्यस्तै संस्थागत विद्यालयतर्फ भने परीक्षा दिएका ६३८ जना मध्य ५०५ जना विद्यार्थी उत्तीर्ण भएका छन र बाँकी रहेका १३३ जनाले पुनः परिक्षा दिन पाउनेछन ।
२०८१ सालको एसईई परिक्षामा टीकापुर नगरपालिका भित्रका १२ सामुदायिक र १४ संस्थागत विद्यालय गरि जम्मा २६ विद्यालयले सहभागीता जनाएका थिए ।
नतिजा तालिकामा हेर्नुहोस :
यस नतिजाले सरकारी विद्यालयहरूको शिक्षाको गुणस्तरमा गम्भीर प्रश्न उठाएको छ। विद्यार्थीहरूको कमजोर नतिजाले शिक्षक अभाव, पठनपाठनको असुविधा, र अभिभावकको चासोको कमीजस्ता समस्यालाई उजागर गरेको छ।
यस्तो चिन्ताजनक नतिजाले टीकापुर नगरपालिका र विद्यालय प्रशासनले शिक्षा क्षेत्रमा सुधारात्मक कदम चाल्नु पर्ने प्रष्ट देखिन्छ । सामुदायिक विद्यालयहरुमा राम्रो भवन निर्माण र सुविधा मात्र होइन शिक्षाको गुणस्तर र शिक्षण सिकाई प्रकृया पनि मजबुत बनाउनु पर्दछ । यदि भएन भने बालबालिकाको भविष्यमा त असर पर्छ नै साथै टीकापुर नगरपालिका कै भविष्यमा असर पर्ने शिक्षाप्रेमीहरु बताउँछन ।
नतिजा सँगै राष्ट्रिय परीक्षा बोर्ड, परीक्षा नियन्त्रण कार्यालयले (माध्यमिक शिक्षा परीक्षा ) एसईईको पूरक परीक्षा तालिकासमेत सार्वजनिक गरेको छ । परीक्षा साउन २९ देखि भदौ ६ गते सम्म बिहान ८ बजे देखि ११ बजे सम्म संचालन हुनेछ । यो मौका परीक्षामा ग्रेड प्राप्त गर्न नसकेका र अनुस्थित भएका सबै परीक्षार्थी सम्मीलित हुन पाउनेछन ।
समाचार 
