बर्दियामा फेरि चितुवाको आक्रमणबाट एक महिलाको मृत्यु भएको छ। बर्दिया जिल्लाको बारबर्दिया नगरपालिका–१० की ५० वर्षीया पार्वती डाँगीको चितुवाको आक्रमणबाट बुधबार दिउँसो मृत्यु भएको हो।
फेनापति सामुदायिक वनमा घाँस काट्न गएको बेला चितुवाले आक्रमण गर्दा घटनास्थलमै महिलाको ज्यान गएको जिल्ला प्रहरी कार्यालय बर्दियाले जानकारी दिएको छ ।
यस्तै गत बुधबार चितुवाको आक्रमणमा परी बारबर्दिया नगरपालिका–१० डफैयाका ३२ वर्षीय दिनेश थारुको ज्यान गएको थियो।
प्रकाशित : २०८२ पुष ९ बुधबार प्रकाशित
समाचार 