खक्राैला / कैलालीको सत्ति भन्सार कार्यालयले चालू आर्थिक वर्षको पहिलो चार महिनाकाे अवधिमा लक्ष्य अनुसार राजस्व असुली गर्न नसकेको पाइएको छ ।
चालू आर्थिक वर्ष मा भन्सार विभागले सत्ति भन्सार लाई कार्तिक महिनासम्म ५ करोड ३२ लाख ७१ हजार रुपैयाँ लक्ष्य ताेकेकाेमा कार्तिक महिनासम्म ४ करोड ३२ लाख ६५ हजार ५ सय ८५ रुपैयाँ मात्र असुली गरेको सत्ति भन्सार कार्यालयका निमित्त कार्यालय प्रमुख पदम भट्टले जानकारी दिए ।
चार महिनाको असुली लक्ष्यकाे ८१ प्रतिशत मात्र राजस्व संकलन गरेको हो । असुली गरेको राजस्व कार्तिक सम्मकाे लक्ष्य भन्दा १ करोडले कम रकम हो । पछिल्लो चार महिनामा संकलन भएको राजस्व हेर्दा कार्यालयले साउनमा ६३ लाख ३७ हजार १३२ रुपैयाँ अर्थात लक्ष्यकाे ४९.१७ प्रतिशत भदौमा ९० लाख ७० हजार १२४ रुपैयाँ अर्थात लक्ष्यकाे ६७.४३ प्रतिशत असाेजमा १ करोड ६८ लाख १७६ रुपैयाँ अर्थात लक्ष्यकाे १२७.७१ प्रतिशत र कार्तिक १ करोड १९ लाख ८२ हजार २१५ रुपैयाँ अर्थात लक्ष्यकाे ८१ प्रतिशत लक्ष्य प्राप्त गरेको देखिन्छ ।
साउन ,भदौ र कार्तिकमा लक्ष्य हासिल गर्न सकेको छैन भने असाेजमा लक्ष्य हासिल गरेको छ । यस आर्थिक वर्षमा सत्ति भन्सार कार्यालयले १५ करोड ८४ लाख ४९ हजार रुपैयाँ राजस्व संकलन गर्ने लक्ष्य लिएको निमित्त कार्यालय प्रमुख पदमराज भट्टले जानकारी दिए । गत आर्थिक वर्षमा कार्यालयले १२ करोड ७ लाख रुपैयाँ राजस्व संकलनको लक्ष्य राखेकोमा १४ करोड ३७ लाख ८२ हजार रुपैयाँ असुली गरेको थियोे ।
चालू आर्थिक वर्षको पहिलो चाैमासिकमा यस नाकाबाट शुन्य रहेको छ । निर्यातको तुलनामा आयात बढ्दै जाँदा वर्षेनि व्यापार घाटा चुलिएको देखिन्छ । विशेषगरी यस नाकाबाट कपडा हार्डवयर र सिजनेवल सामान भित्रीने गरेको तथ्यांकले देखाएको छ ।
भन्सार आयात वर्षेनि वृद्धि भए पनि निर्यात भने न्यून रहेको छ । सरकारले आयात दर घटाउन विभिन्न योजना ल्याए पनि घट्नुकाे साटो बढ्ने क्रममा रहेको छ ।
समाचार 
