सत्ति / टिकापुर नगरपालिकाका नगर प्रमुख रामलाल डगाैरा थारुले सहकारीलाई सामुदायिक काममा सहयोग गर्न सुझाव दिएका छन् ।
उनलेे साे कुरा टिकापुर -६ सत्ति स्थित उज्यालो बहुउद्देश्यीय सहकारी संस्थाको साेमबार वार्षिकोत्सव कार्यक्रमकाे प्रमुख अतिथिको आसन बाट बताएका हुन ।
टिकापुर नगरपालिकाले नगरक्षेत्रमा कार्यक्षेत्र बनाइ काम गरेका बैंक ,वित्तीय संस्था ,सहकारी लाई संस्थागत सामाजिक उत्तरदायित्व अन्तरगत रहेर नगर सफा ,सुन्दर ,हरियाली ,साैन्दर्यका काममा सहयोग गर्नुपर्ने बताएका हुन ।
उज्यालो सहकारिले पनि आफ्नो कार्यक्षेत्रमा स्वास्थ्य शिविर , सडक बत्ती जडान , सडक हरियाली जस्ता सामाजिक काममा अगुवाइ गर्नुपर्नेमा जाेड दिएका थिए ।
सहकारीका अध्यक्ष डम्बर बहादुर घर्तीकाे अध्यक्षतामा भएको १६ औं वार्षिकोत्सव कार्यक्रमका सहकारीका संस्थापक ३१ जना सदस्यलाई सम्मान पत्र र दाेसल्ला अाेढाएर सम्मानित गरिएको थियो । कार्यक्रमका वक्ताहरुले पछिल्लो समयमा रासायनिक मल वितरण, धान र गहुँको बिज वृद्धिकाे क्षेत्रमा नमुना सहकारीकोरुपमा काम गरेको बताएका थिए ।
कार्यक्रममा टिकापुर नगरपालिका वडा नम्बर ६,७ र ८ का वडा अध्यक्षहरु, सामुदायिक सहकारीका उपाध्यक्ष दिपक साउँद लगायतका अतिथिहरुले शुभकामना मन्तव्य राखेका थिए । १६ अाैं वार्षिकोत्सव कार्यक्रममा उपस्थित सहभागीलाई सहकारीका उपाध्यक्ष शशि श्रेष्ठले स्वागत मन्तव्य राखेका थिए भने संचालन व्यवस्थापक रामकृष्ण चाैधरिले गरेका थिए ।
सहकारीले आर्थिक वर्ष २०७८/०७९ काे असार मसान्तसम्ममा १५ लाख ५० हजार ७६९ रुपैयाँ खुद मुनाफा गरेको विवरण प्रस्तुत गरिएको थियो ।
समाचार 
