टीकापुर नगरपालिका वडा नं ९ स्थित खक्रौलाबाट खैरो हेरोइनसहित दुई युवक पक्राउ परेका छन ।
पक्राउ पर्नेमा बर्दियाको राजापुर नगरपालिका–४ निवासी ३० वर्षीय तेजबहादुर बिटालु र सुर्खेतको वीरेन्द्रनगर नगरपालिका–१२ निवासी १९ वर्षीय सोहन नेपाली रहेका छन् भने दुवै जनाको साथबाट १९ ग्राम १६० मिलिग्राम खैरो हेरोइन बरामद गरिएको प्रहरीले जनाएको छ ।
इलाका प्रहरी कार्यालय टीकापुर र कालाकुण्डा प्रहरी चौकीको संयुक्त रुपमा खटिएको टोलीले भारतबाट नेपालतर्फ आउँदै गरेको से १ ह २२११ नम्बरको अटोरिक्सा चेकजाँचका क्रममा अटोरिक्सामा रहेका उनीहरु भाग्न खोजेका थिए। प्रहरी टोलीले लखेटेर उनीहरूलाई नियन्त्रणमा लिएको हो ।
“यो एकदमै ठूलो परिमाण भएको र यस बारेमा थप अनुसन्धान गरिने ” जिल्ला प्रहरी कार्यालय कैलालीका प्रवक्ता प्रहरी नायब उपरीक्षक योगेन्द्र तिमिल्सिनाले बताएका छन ।
प्रकाशित : २०८३ जेष्ठ १ शुक्रबार प्रकाशित
समाचार 
