कैलालीको टीकापुरबाट लागुऔषध सहित दुई जना पक्राउ परेका छन ।
टीकापुर नगरपालिका–९ खक्रौलाबाट १ ग्राम ६९० मिलिग्राम खैरो हिरोइनसहित दुई जनालाई पक्राउ परेका हुन ।
इलाका प्रहरी कार्यालय टीकापुर र प्रहरी चौकी कालाकुण्डाबाट खटिएको संयुक्त टोलीले लम्कीचुहा नगरपालिका–१ का २० वर्षीय लक्ष्मण शाही र सोही स्थानका २६ वर्षीय प्रकाश रिमाललाई पक्राउ गरेको हो ।
भारतबाट नेपालतर्फ आउँदै गरेको से ५ प ४४४० नम्बरको मोटरसाइकलमा सवार उनीहरूलाई चेकजाँच गर्दा लागुपदार्थ फेला परेको प्रहरी जानकारी दिएको छ । प्रहरीले लागूऔषधसहित मोटरसाइकलसमेत नियन्त्रणमा लिएको छ।
प्रकाशित : २०८३ बैशाख १९ शनिबार प्रकाशित
समाचार 
