शत्रुले रिस गर्छ भने
उसको आँखा, बोली र व्यवहारमै संकेत देखिन्छ।
ऊ टाढैबाट शत्रु जस्तै देखिन्छ,
सचेत हुन सजिलो हुन्छ।
तर आफ्ना…
आफन्त, साथी, नजिकका मान्छे —
उनीहरू मुस्कानको आवरण लगाएर नजिक बस्छन्।
विश्वासको आडमा मन जित्छन्,
र त्यही विश्वासको ठाउँमा चोट दिन्छन्।
शत्रुको वार बाहिरबाट आउँछ,
त्यसैले शरीर दुख्छ।
तर आफ्नैको धोका भित्रबाट लाग्छ,
त्यसैले आत्मा नै चर्किन्छ।
संसारमा सबैभन्दा पीडादायी कुरा
शत्रुको आक्रमण होइन,
आफ्नै मान्छेबाट आएको धोका हो।
किनकि शत्रुबाट जोगिन सकिन्छ,
तर आफ्नैबाट बच्न
पहिले विश्वास तोडिनुपर्छ।
त्यसैले जीवनले सिकाउँछ,
सबैसँग राम्रो व्यवहार गर,
तर विश्वास भने सोचेर गर्ने गर।
📝 स्मृति राठौर
प्रकाशित : २०८२ फाल्गुन १२ मंगलवार प्रकाशित
समाचार 