कास्की । गण्डकी प्रदेशमा कोरोना रोकथाम, नियन्त्रण तथा उपचारमा प्रभावकारी काम गर्न एक घर, एक पीसीआर टेष्टको व्यवस्था गर्न कांग्रेसले माग गरेको छ ।

प्रदेश सरकारलाई दबाब दिन भन्दै नेपाली कांग्रेसका सांसदले मंगलबार प्रदेश सभामा संकल्प प्रस्ताव दर्ता गरेका छन् । नेपाली कांग्रेसका सांसद्हरु कुमार खड्का, मेखलाल श्रेष्ठ र सरिता गुरुङले प्रदेशसभा नियमावलीको नियम ८५ को १ अनुसार संकल्प प्रस्ताव दर्ता गरेका हुन् ।