कैलालीको टीकापुर नगरपालिका–९ खक्रौलाबाट प्रहरीले लागूऔषधसहित एक युवकलाई पक्राउ गरेको छ। 
इलाका प्रहरी कार्यालयअन्तर्गत प्रहरी चौकी कालाकुण्डाबाट खटिएको प्रहरी टोलीले चेकजाँचका क्रममा बर्दियाको राजापुर नगरपालिका–१ बस्ने २३ वर्षीय प्रमोद थारुलाई पक्राउ गरेको हो।
प्रहरीका अनुसार निजको साथबाट ७१० मिलिग्राम खैरो हिरोइन र ७ ट्याब्लेट नाइट्राभेट बरामद गरिएको छ।
लागूऔषध फेला परेपछि प्रहरीले नियन्त्रणमा लिई आवश्यक अनुसन्धान प्रक्रिया अघि बढाएको जनाएको छ। घटनाबारे थप अनुसन्धान भइरहेको प्रहरीले जानकारी दिएको छ।
प्रकाशित : २०८३ बैशाख ३० बुधबार प्रकाशित
समाचार 
