बुधबार दिउँसो बझाङको मष्टा गाउँपालिका–५ लामपाटा टोलमा आगलागी हुँदा दुई वटा घर जलेर नष्ट भएका छन्।
आगलागीबाट मिन बहादुर बोहरा र गगन बोहराको घरमा ठूलो क्षति पुगेको छ।
आगलागीमा ३ वटा भैँसी, गरगहना, खाद्यान्न र लत्ताकपडा पनि जलेर नष्ट भएका छन्। स्थानीयवासीले समयमै आगो नियन्त्रणमा लिँदा अन्य घरमा फैलिन भने पाएन।
घटनापछि गाउँपालिकाको टोली राहत सामग्रीसहित घटनास्थल पुगेको छ। पीडित परिवारलाई राहत वितरण गरिएको र पुनःस्थापनाका लागि पहल गरिने जनाइएको छ।
प्रकाशित : २०८३ बैशाख ३ बिहीबार प्रकाशित
समाचार 
