काठमाडौँ । नेकपाभित्र आन्तरिक विवाद चर्किरहेका बेला चिनियाँ राजदूतले एकपछि अर्काे नेताहरूसँगकाे भेटलाई निरन्तरता दिएपछि भारतले विशेष चासाेकाे रूपमा हेरिरहेकाे छ। चिनियाँ राजदूत होउ यान्छीले नेकपाका नेता माधव नेपालपछि पूर्वप्रधानमन्त्री तथा नेकपाका वरिष्ठ नेता झलनाथ खनालसँग भेटघाट गरेलगत्तै दिल्लीमा यसबारे गनथन हुन थालेकाे छ।
राजदूत यान्छी मंगलबार डल्लुस्थित खनाल निवास पुगेर भेटेकी हुन्। नेकपा नेता माधवलाइ पनि उनकाे निवासमै गएर भेटेकी थिइन्। सत्तारुढ दल नेकपाभित्र शक्ति संघर्षका लागि विवाद चर्किरहँदा राजदूत यान्छीले नेकपाका शीर्ष नेताहरुसँगको भेटघाटलाई तीव्रता दिएकी हुन् ।
प्रकाशित : २०७७ असार २४ बुधबार प्रकाशित
समाचार 
