काठमाडौं । प्रधानमन्त्री एवम् नेपाल कम्युनिष्ट पार्टी (नेकपा) अध्यक्ष केपी शर्मा ओली र अर्का अध्यक्ष पुष्पकमल दाहालबीचको २ घण्टा लामो छलफल भएको छ ।
नेकपाभित्र जारी विवाद समाधानको प्रयासका लागि दुई अध्यक्षबीच दुई घण्टा लामो छलफल भएको छ । तर छलफलबारे थप जानकारी आउन बाँकी छ ।
स्रोतले दिएको जानकारी अनुसार दुई अध्यक्षबीच झण्डै २ घण्टा कुराकानी भएको थियो ।
प्रधानमन्त्री ओलीले दुईमध्ये एक पद छोड्नुपर्ने अडानमा दाहाल र वरिष्ठ नेता माधव नेपाल समूह छन् । प्रधानमन्त्री ओलीले भने कुनैपनि पद छाड्ने छाँटकाँट देखाएका छैनन् ।
नेकपामा देखिएको विवाद समाधानकै लागि स्थायी समिति बैठक असार २६ गतेसम्मको लागि सारिएको छ । दुई अध्यक्षबीच बिहान टेलिफोनमार्फत् कुराकानी भएपछि बैठक स्थगित भएको हो ।
स्रोत: https://onlinenepal.com/
प्रकाशित : २०७७ असार २५ बिहीबार प्रकाशित
समाचार 
