बाघमारा / मध्य पुस लाग्दै गर्दा चिसो बढ्दै गएको अवस्थामा टिकापुरमा चिसो बाट बचाउन न्यानो कपडा वितरण गरिएको छ । 
टिकापुर नगरपालिका वडा नम्बर ४ स्थित रहेको जनप्रकाश आधारभूत विद्यालय बाघमारामा अध्ययनरत विद्यार्थीलाई स्वेटर वितरण गरिएको हो ।
टिकापुर नगरपालिका वडा नम्बर ४ काे ७९ हजार रुपैयाँको आर्थिक सहयोगमा साे विद्यालयमा अध्ययनरत २ सय २० जना विद्यार्थीलाई स्वेटर वितरण गरिएको वडा अध्यक्ष लालविर चाैधरिले सुदुर सन्दर्भ अनलाइन लाई जानकारी दिए । 
“हामीले साे विद्यालयमा अध्ययनरत सम्पूर्ण विद्यार्थीलाई जाडो बाट बच्ने र विद्यालय पाेशाक सुहाउँदो रंगमा स्वेटर निशुल्करुपमा वितरण गरेका हाैं ” । वडा अध्यक्ष चाैधरिले भने ।
साे विद्यालयमा वडा कार्यालयले विद्यार्थीकाे संख्या बढाउन र स्तरीय शिक्षा बढाउने विविध कार्यक्रम गर्ने गरेको अभिभावककाे भनाइ रहेको छ । 
जाडो याममा न्यानो कपडा वितरण गरिनु सराहनीय काम भएको विद्यालयका शिक्षक रघु उपाध्यक्षले बताए ।
समाचार 
