सत्ति /
टीकापुर जेसीजको वर्ष २०२२ का लागि अध्यक्षमा टोप प्रकाश वि. क. निर्वाचित भएका छन । आज ( मंगलबार )भएको निर्वाचनमा अध्यक्ष पदका अर्का प्रत्यासि बलराम चौधरीलाई ४ मत अन्तरले पराजित गर्दै वि. क. निर्वाचित भएका हुन । 
निर्वाचनमा कुल ७० मत खसेको थियो । जसमा वि.क.ले ३७ मत र चौधरीले ३३ मत प्राप्त गरेको निर्वाचन समितिका संयोजक श्यामराज पाण्डेयले जानकारी दिए । १८ वर्ष देखि ४० वर्ष मुनिका युवा सदस्य रहने र १ वर्षको लागि १ व्यक्ति १ पदको अवधारणा जेसिजमा रहन्छ । यसैगरी समितिको कार्यकारी उपाध्यक्षमा कृष्णा चौधरी र रुपकबहादुर बिष्ट निर्वाचित भएका छन । चौधरीले ५४ र बिष्टले ४६ मत प्राप्त भएका छन । कार्यकारी उपाध्यक्षका प्रतिस्पर्धी डिल्लीप्रसाद जैशीले ३४ मत प्राप्त गरेका छन ।
त्यस्तै समितिको उपाध्यक्षमा भुपेन्द्र खड्का, जीवन गौचन, पृथ्वी चपाई र प्रकाश खत्री निर्विरोध निर्वाचित भएको निर्वाचन समितिले जनाएको छ ।
टीकापुर जेसीज वर्ष २०२२ का लागि निर्वाचित अध्यक्ष वि. क.लाई सुदुर सन्दर्भ अनलाइन परिवार हार्दिक बधाई सहित कार्य सफलताको कामना व्यक्त गर्दछ ।
समाचार 
