विनय चाैधरि, काठमाडौं / नेपालका ठूला पार्टी एमाले र काँग्रेसले महाधिवेशन सम्पन्न गरिसकेका छन् भने आठौं माओवादी केन्द्रको अधिवेशन चलिरहेको छ । भने २०७२ को टीकापुर घटनामा जेल जीवन बिताइरहेका सांसद रेशम चौधरीले नयाँ पार्टी खोल्न थालेका छन् । चौधरीले पुष १९ गते काठमाण्डौंमा बृहत भेला गराएर पार्टी दर्ता गर्ने तयारीमा रहेका छन् । 
पार्टी घाेषणाका लागि कैलालीकाे भजनि,टिकापुर र जानकि बाट तिन वटा बस तयार भैसकेको छ भने जानकि बाट पनि राजधानी जान थालेको बुझिएको छ । ‘‘थारु हकका लागि पुष १९ गते रेशम चौधरीको अध्यक्षतामा नयाँ पार्टी खुल्दै छ ,’’ अभियानका सदस्य तथा भजनि नगरपालिका वडा नम्बर ३ का वडा अध्यक्ष विक्रम चौधरीले भने, उनले पार्टीको नाम नागरिक समाजवादी रहने बताए ।‘‘पार्टीको मुख्य लक्ष्य नेपालमा सांस्कृतिक क्रान्ती गर्नु हो,’’ चौधरीले भने ।
थारु समुदायका युवाहरुले ठूला र मधेशवादी दलबाट आशा गर्ने ठाउँ छैन भन्न थालेका छन् । ठूला दलमा कैलालीको टीकापुर लगायत अन्य क्षेत्रमा केही निश्चित व्यक्तिले लाभ लिदै आएको भएपनि थारु र उत्पिडित समुदायले केही नपाएको गुनासो युवाहरुले गर्न थालेकाे उक्त दलमा आवद्ध कार्यकर्ताकाे भनाइ रहेको छ ।
उनीहरुले साधन स्रोत देखि अवसर केही निश्चित व्यक्ति र समुदायको हातमा गएको देख्दा पछि पारिएको वर्ग ,समुदाय र थारु समुदायको उत्थानका लागि आफ्नोतर्फबाट आफै नेतृत्वमा पुग्नुपर्ने बुझाइ रहेको छ । थारु समुदायकाे भाेट लिएर थारु तथा गैर थारु नेताहरुले जिम्मेवारी बिर्सेकाले रेशमको पार्टीमा विभिन्न पार्टीमा आवद्ध थारु युवा आकर्षित हुने लहर चलेको टिकापुर ७ का एक युवाले बताए ।
यहाँका जनप्रतिनीधिहरु अहिले विभिन्न पार्टीमा देखिएपनि चुनावमा उनीहरु रेशमले खोलेको पार्टीमा लाग्ने उनको भनाइ छ । थारु युवाहरु रेशमले खाेलेका दलमा जोडिने निश्चित छ उनको दावी रहेको छ ।
कतिपयले जनप्रतिनिधिले थारुका नाममा केही नेताहरु थारुको भावनालाई क्यास गरेर जनप्रतिनीधि हुने सपना देखिरहेको मुलधारकाे राजनीति गरिरहेका एक नेताले बताए । साे कार्यक्रममा जानकि,भजनि,टिकापुर, लम्कि र जाेशिपुरका वडा अध्यक्ष पनि सहभागी हुने बताइएको छ ।
‘‘टीकापुरको घटनाका बारेमा ठूला र मधेशवादी दलले वास्ता नगरेपछि जेल जीवन बिताउन बाध्य भएका माननीय रेशम चौधरी दल दर्ता तर्फ अग्रसर हुनुपरेको हो भजनि ३ का वडा अध्यक्ष विक्रम चाैधरिले बताए ।
‘‘टीकापुरको घटनामा पीडित थारु , शोषण र उत्पीडनमा रहेका दलित र अन्य समुदायका नागरिक लाई एक ठाउँमा ल्याएर कैलालीमा सद्भाव कायम गर्दै विकास निर्माणमा अघि बढ्ने योजना रहेको चाैधरिले बताए ।
समाचार 
