सत्ति – नेकपा माओवादी केन्द्रको केन्द्रिय सदस्यमा कैलालीबाट ७ जना चयन भएका छन । नेकपा माओवादी केन्द्रका अध्यक्ष पुष्पकमल दाहाल प्रचण्डले २३६ जना केन्द्रीय सदस्यको नाम घोषणा गरेकोमा कैलालीबाट ७ जना परेका हुन ।
जसमा नेप बहादुर चौधरी, रुपा चौधरी, बिरभान चौधरी, लालबहादुर सोडारी, लक्षीराम आचार्य, बिमला सिंह र तिलक परियार रहेका छन । 
आइतबार अध्यक्ष प्रचण्डले समानुपातिक तर्फ १२५ र खुलातर्फ १११ जनाको नाम पेश गरेका थिए । प्रचण्डले केन्द्रिय सदस्यको नाम घोषणा गरेपछि बन्दसत्र हलले अनुमोदन गरेको थियो ।
विधानअनुसार समानुपातिकतर्फ १५४ र खुलातर्फ १४५ जना केन्द्रीय सदस्य चयन हुनुपर्ने प्रावधान रहेको छ ।
अब ६३ जना सदस्य चयन गर्न बाँकी रहेको छ । ती सदस्यहरु पछि मनोनीत हुनेछन् । माओवादीले पदाधिकारीको टुंगो भने सोमबार लगाउने जनाएको छ । माओवादीमा १५ पदाधिकारीको व्यवस्था गरिएको छ ।
समाचार 
