सन्दर्भ डेस्क ,सत्ति / टीकापुर ७ सत्ती स्थित सत्ति कर्णालि सामुदायिक वनले निशुल्करुपमा दाउरा वितरण गरेकाे छ । 
सामुदायिक वनले सेवा क्षेत्रमा रहेका करिब १ दर्जन चाेकमा अागाे ताप्नका लागि नि:शुल्क दाउरा वितरण गरेको हाे । वनले उपभोक्ता र सडकमा यात्रा गर्ने यात्रीलाई मध्य नजर गर्दै वडा न ६ ७ र ८ का विभिन्न चाेकमा आगाे ताप्ने ब्यवस्था मिलाएकाे सामुदायिक वनका अध्यक्ष धनसिंह साउँदले जानकारी दिए । उनलेे जाडाेकाे समयमा अशक्त ,वृद्धवृद्धा लगायत सडकमा यात्रा गर्ने यात्री लाई राहत हाेस भनी वनले सेवा क्षेत्रका विभिन्न चाेक चाेकमा आगाे ताप्ने दाउरा वितरण गरेकाे बताए । 
अध्यक्ष साउँदका अनुसार सामुदायिक वनले हरेक वर्ष यसरी नै चाेक चाेकमा र जेष्ठ नागरिककाे लागि जर्ना दाउरा वितरण गर्दै आएकाे बताए ।
सामुदायिक वनले आफ्नै ट्याक्टर प्रयाेग गरेर आफ्नाे सेवा क्षेत्रका बिष्णुकान्तिपुर , सत्तीबजार, बटनपुर, हुलाकी चाेक, नारायणपुर , कर्णाली पुल, झुङ्गा , सुर्यपुर , वनगाउँ लगायतका चाेकमा दाउरा वितरण गरेकाे सामुदायिक वनका कार्यालय सचिव मीन बहादुर ठकुल्लाले जानकारी दिए।
सामुदायिक वनले हरेक वर्ष आफ्नाे कार्यक्षेत्रमा जाडोकाे समयमा दाउरा निशुल्करुपमा वितरण गर्ने गरेको छ । जाडोकाे समयमा चिसो बाट बच्न उपभोक्ता र आमनागरिक लाई दाउरा प्रदान गरिनु सराहनीय काम भएको स्थानीय पशुपति कर्णले बताए । ग्यास तथा न्यानो कपडाको अभाव भएका लाई राहत हुने कर्णले बताए । साेमबार बाट सेवा क्षेत्रका विभिन्न ठाउँमा दाउरा वितरण गरिएकोबताउँदै अन्यत्र अपुग ठाउँमा भाेलि पठाइने अध्यक्ष साउँदले जानकारी दिए ।
समाचार 
