सत्ति / टिकापुर नगरपालिका वडा नम्बर ७ सत्तिकाे प्रगतिशील बचत तथा ऋण सहकारीलाई बिउ पुँजी सहयोग गरिएको छ ।
सहकारीलाई दिगो विकास समाज भजनिले आर्थिक तथा पुनःस्थापना परियोजना बाट १० लाख रुपैयाँ बिउ पुँजीको रुपमा बिहीबार एक कार्यक्रमका बिचमा सहयोग गर्ने सम्झौता गरिएको छ । 
परियोजना मार्फत १० लाख रुपैयाँ र सहकारिले २ लाख ५० हजार रुपैयाँ गरि साढे १२ लाख रकम विदेश बाट फर्केका,महिला ,न्यून आय भएका तथा जाेखिममा परेका महिलालाई वार्षिक ५ प्रतिशत ब्याजमा रकम लगानी गरिनुपर्ने सर्त रहेको दिगो विकास समाज भजनिका आर्थिक पुनःस्थापना परियोजनाका कार्यक्रम संयाेजक आशिष उपाध्यायले जानकारी दिए ।
टिकापुर नगरपालिकाका वडा नम्बर ६,७,८ र ९ का सिमा पुगेका सहकारीका सदस्यलाई १० हजार देखि ५० हजार सम्म ऋण लगानी गर्नुपर्ने उपाध्यायले बताए ।
बिउ पुँजी सहयोग हस्तान्तरण कार्यक्रमका प्रमुख अतिथि टिकापुर नगरपालिका वडा नम्बर ७ का अध्यक्ष रामलाल डगाैरा थारुले रकम सानो भएता पनि काेभिड प्रभावित ,जाेखिममा परेका ,न्यून आय भएका र विदेश बाट फर्केकाहरुका लागि गाउँ घरमै बसेर सानोतिनो व्यवसाय गर्नेका लागि सघाउ पुग्ने बताए ।
दिगो विकास समाज भजनि द्वारा संचालित आर्थिक पुनःस्थापना परियोजनाले टिकापुर नगरपालिकाका १,भजनि नगरपालिकाका १ र घाेडाघाेडि नगरपालिकाका २ र कैलारि गाउँपालिकाका १ गरि पाँच वटा सहकारिलाई प्रति सहकारी १० लाख रुपैयाँ सहयोग गरेको संस्थाले जनाएको छ ।
बिउ पुँजी हस्तान्तरण कार्यक्रम दिगो विकास समाज भजनिका अध्यक्ष रामबहादुर सुनारकाे अध्यक्षतामा भएको थियो ।
समाचार 
