टीकापुर/श्रीलंकामा बुधबारदेखि स्वास्थ्य सेवा सुरु भएको छ ।
टीकापुर नगरपालिका वडा नं. ८ श्रीलंका स्थित श्रीलंका आधारभुत स्वास्थ्य केन्द्रमा नगरपालिकाले बुधबार देखि स्वास्थ्यकर्मी खटाए पछि स्वास्थ्य सेवा काम सुरु भएको हाे ।
बुधबार देखि सुरु भएको श्रीलंका आधारभुत स्वास्थ्य केन्द्रमा पहिलाे दिनमै १२ जना विरामीले स्वास्थ्य परिक्षण गरेएको स्वास्थ्यकर्मी शान्ति ढुंगाना नेपालीले जानकारी दिनुभयो ।
६५ घर परिवार रहेकाे श्रीलंकामा आ.व.२०७७/०७८ मा सुदुर पश्चिम प्रदेश सरकारकाे रु १५ लाख लागतमा टीकापुर नगरपालिकाले श्रीलंका आधारभुत स्वास्थ्य केन्द्रकाे भवन निर्माण गरेकाे वडा नं. ८ का वडा अध्यक्ष तथा टीकापुर नगरपालिकाका प्रवक्ता दिर्घ बहादुर ठकुल्लाले जानकारी दिनुभयो ।
प्रवक्ता ठकुल्लाले भवन निर्माणकाे काम अघिल्लो वर्षमा नै सम्पन्न भए पनि स्वास्थ्यकर्मी अभावका कारण संचालनमा नआएको बताउनुहुदै स्थानीयकाे मागलाई मध्येनजर गर्दै बुधबार देखि स्वास्थ्यकर्मी खटाएको बताउनुभयो । ठकुल्लाले श्रीलंका आधारभुत स्वास्थ्य केन्द्रकाे घेरवार, शाैचालय लगायतका पुर्वाधार निर्माण गर्न वाकी रहेकोले नगरपालिकाले यसै आर्थिक वर्षमा निर्माणको काम सम्पन्न गर्ने बताउनु भयाे ।
टीकापुर नगरपालिकाकाे एक वडा एक स्वास्थ्य संस्था भन्ने नारा अनुसार टीकापुर नगरपालिकाका सबै वडामा स्वास्थ्य संस्था स्थापना गरि सकेकाे टीकापुर नगरपालिकाका नगर प्रमुख तपेन्द्र बहादुर रावलले जानकारी दिनुभयो । टीकापुर नगरपालिकाकाे श्रीलंका बटनपुर देखि टाढा भएको र दुर्गम ठाउँ भएकोले अलगै स्वास्थ्य संस्था बनाउनुपर्छ भनी नगरपालिकाले स्थापना गरेको बताउनुभयाे ।
समाचार 
