बटनपुर / राेजगारिकाे सिलसिलामा विदेश रहेका टिकापुर ८ का युवाले रकम संकलन गरेर एम्बुलेन्स जुटाएका छन् ।
साविक धनसिंहपुर गाविस संसारका विभिन्न देशमा राेजगारिकाे धनसिंहपुर प्रवासी युवाहरुकाे अगुवाइमा धनसिंहपुर प्रवासी समिति गठन गरि मंगलबार एक कार्यक्रम गरि धनसिंहपुर स्वास्थ्य चाैकीलाइ एम्बुलेन्स हस्तान्तरण गरिएको छ । 
धनसिंहपुर प्रवासी युवा समितिका अध्यक्ष ओम बहादुर साउँदकाे अध्यक्षतामा भएको एम्बुलेन्स हस्तान्तरण कार्यक्रममा टीकापुर नगरपालिकाका नगर प्रमुख तपेन्द्र रावल प्रमुख अतिथि रहेका थिए ।
स्थानीय टेक बहादुर साउँदकाे स्वागत मन्तव्य संगै सुरु भएको कार्यक्रममा टीकापुर नगरपालिका वडा नं. ८ का वडा अध्यक्ष दिर्घ ठकुल्ला र साविक धनसिंहपुर गाविसका पुर्व अध्यक्ष जंग बहादुर साउद विशिष्ट अतिथि रहेका थिए । आफ्नो र परिवारकाे पेट काटेर जन्मभूमि र समाजको लागि साेच्ने युवा बाट यहाँका युवाले पनि समाज हितका लागि लाग्नुपर्नेमा साविक धनसिंहपुर गाविसका अध्यक्ष जंग बहादुर साउँदले बताए । एम्बुलेन्स संचालन बाट मातृ मृत्यु ,शिशु मृत्यु कम हुने टिकापुर नगरपालिका स्वास्थ्य शाखा प्रमुख बल बहादुर रावलले बताएका थिए ।
वैदेशिक राेजगारिमा रहेका धनसिंहपुरका युवाले आफ्नो अभिभावकलाई पनि समुदायमा शिर ठाडो गर्ने बनाएको वडा नम्बर ८ का अध्यक्ष दिर्घ ठकुल्लाले बताए । विदेश बस्ने युवाको सकारात्मक काम भएको टिकापुर नगरपालिकाका नगर प्रमुख तपेन्द्र रावलले बताए । कार्यक्रममा आफुले कमाएकाे भन्दा समुदायको लागि केही सहयोग गर्न सकेकोमा धेरै खुशी मिलेको एम्बुलेन्स सहयोग अभियानका संयाेजक आेम साउँदले बताएका थिए ।
एम्बुलेन्स हस्तान्तरण कार्यक्रममा नेपाल महासंघ सुदुरपश्चिम प्रदेश सदस्य भिम वि.क., त्रिभुवन मा.वि.बटनपुरका प्र अ रवीन्द्र कठायत, नेपाल रेडक्रसका जिल्ला सदस्य भिम महर, नेपाली कांग्रेसका नेता शेर बहादुर साउँद, समाजसेवी मीन बहादुर कठायत, टिकापुर नगरपालिकाका स्वास्थ्य शाखा प्रमुख बल बहादुर रावलले शुभकामना मन्तव्य राखेका थिए । भने कार्यक्रम संचालन अरुण वि. क. ले गरेका थिए ।
एम्बुलेन्स खरिदका लागि आर्थिक सहयाेग गर्नेहरुमा टीकापुर वडा नं. ८ का ओम बहादुर साउँद १ लाख १५ हजार ५ सय, दिपक वि क ७३ हजार , मनाेज साउँद ५२ हजार, टंक साउँद ६२ हजार, नवराज साउँद ६३ हजार, हेमन्त साउँद ५३ हजार, उमेश साउँद ४२ हजार, सुरेन्द्र साउँद ५२ हजार, प्रेम वि क ४० हजार, प्रेम ठकुल्ला ५२ हजार ५ सय, नवराज साउँद ६३ हजार ५ सय, विजय साउँद ५२ हजार ५ सय, अशाेक साउँद ५० हजार, सन्जित साउँद ६२ हजार ५ सय, सुरेश साउँद ६२ हजार ५ सय, समीर साउँद ५२ हजार ५ सय, सुजित साउँद ६२ हजार ५ सय, शिव परियार ५२ हजार ५ सय, धिरज साउँद ५५ हजार ५५५, यम बहादुर साउँद २१ हजार, धर्मा साउँद १५ हजार र सन्ताेष विश्वकर्मा लगायत २२ जनाले रू २० हजार गरि जम्मा रू ११लाख ७६ हजार ०५५ रुपैयाँ सहयाेग गरेका थिए ।
समाचार 
