सत्ति / आगामी चुनावमा नागरिक उन्मुक्ति पार्टि र अन्य दल बिच चुनावी गठबन्धन नहुने बताइएको छ । स्थानीय चुनावको मिति नजिकिँदै गर्दा चाेक ,जमघट र चिया पसलमा पनि चुनावी कुराकानी र अफवाह फैलिएका छन् । एक महिना अघि मात्र दर्ता भएको नागरिक उन्मुक्ति पार्टी दर्ता भए पछि भने टिकापुरका चिया पसल देखि जमघटमा पनि अनेकन चर्चा र परिचर्चा हुने गरेको छ । 
दल दर्ता पछि अत्तालिएका व्यक्तिले अफवाह र अनेक अडकल बाजि गरेको नागरिक उन्मुक्ति पार्टीका प्रवक्ता दामोदर पण्डितले बताए । नागरिक उन्मुक्ति पार्टीलाई थारु जातिको पार्टी र आगामी चुनावमा अन्य दल संग गठबन्धन गरेर जाने भनेर गलत अफवाह फैलाएको उनले बताए।
नागरिक उन्मुक्ति पार्टी प्रति आकर्षक बढ्दै गएको हुनाले यस्तो अफवाह भएको प्रवक्ता पण्डितले बताए । यस्तै गरि नागरिक उन्मुक्ति पार्टीका टिकापुर नगर इन्चार्ज रामलाल डगाैरा थारुलेे अहिलेसम्म कुनै दल संग बसेर आगामी चुनावमा तालमेल हुने बारेमा आैपचारिक वार्ता नभएको बताएका छन् । संगठन विस्तार भएको देखेपछि अत्तालिएकाे अत्तालिएर भ्रम मात्रै छरेका उनलेे सुदुर सन्दर्भ डटकमलाई जानकारी दिए । यस्तो भ्रममा नपर्न शुभचिन्तक ,पार्टीका कार्यकर्ता र नेतालाई उनलेे अनुरोध गरे ।
समाचार 
