सत्ति / टिकापुर ७ सत्ति स्थित संचालनमा रहेको उज्यालो बहुउद्देश्यीय सहकारी संस्थाले बिहीबार सल्लाहकार समितिलाई सम्मानित गरेको छ ।
सहकारीका उपाध्यक्ष शशि श्रेष्ठको स्वागत संगै सुरु भएको स्वागत कार्यक्रममा सहकारीकाे लागि सल्लाहकार सदस्यहरुकाे सल्लाह सुझाव हरदम आवश्यक हुने बताइएको थियो ।
सल्लाहकार समितिका संयोजक विरेन्द्र शाहले आफू लगायतका अन्य सदस्यलाई सल्लाहकार समितिमा मनाेनित गरेकोमा धन्यवाद दिँदै नयाँ चयन भएर आएका कार्यसमितिले नयाँ योजना ल्याउनुपर्नेमा जाेड दिँदै सल्लाहकार समितिले सकेको जानेको सल्लाह सुझाव दिन हरदम तयार भएको बताए ।
सहकारीका अध्यक्ष डम्मर घर्तीमगरले उज्यालो सहकारीले नेपालमै पहिलोपटक बाढी विमाकाे कार्यक्रम लागू गरेको बताउँदै समाजका विभिन्न क्षेत्रमा स्थापित अगुवालाई सल्लाहकार बनाएको र सहकारिले अझै गति लिने विस्वास व्यक्त गरे ।
समाचार 
