भिम वि. क. झुँगा / टीकापुर नगरपालिका वडा नम्बर ९ झुंगाका गोविन्द प्रसाद श्रेष्ठले वडामा बसपार्क निमाणर्का लागी जमिन दान गरेका छन् । 
श्रेष्ठले वडामा बसपार्क संचालनका लागी टीकापुर नगरपालिका वडा नं ९ का नाममा ७ कट्ठा जमिन शुक्रबार नामसारी गरेको वडा अध्यक्ष लौटन चौधरीले जानकारी दिए ।
हुलाकी सडक र खक्रौला सडक नजिक आधुनिक बसपार्क संचालन गर्नका लागी उपयुक्त स्थान भएकोले मेरो रोहवरमा ४५ हजार ९ सय ३८ रुपैयाँ लाभांशकर तिरेर पास गरिएको वडा अध्यक्ष चौधरीले जानकारी दिए ।
सो जग्गा स्थानिय चलनचल्तीको दरमा करिब १ करोड मुल्यपर्ने जग्गादाता गोविन्द प्रसाद श्रेष्ठले दावी गरे ।
श्रेष्ठले हुलाकी सडक र खक्रौला टीकापुर सडक खण्डको बिचमा पर्ने टीकापुर ९ स्थित झुंगामा रहेको कित्ता नं ४०६को ७ कट्ठा जमिन दान गरेका हुन् ।
श्रेष्ठका बुवा स्व. तेज नारायण श्रेष्ठको नाममा बसपार्कको नामाकरण गरि संचालन गर्ने सर्तमा वडा कार्यालयको नामामा गोविन्द श्रेष्ठले जग्गादान गरेको टीकापुर ९ का अध्यक्ष लौटन चौधरीले जानकारी दिए ।
हुलाकी सडक र टीकापुर सडक विस्तार भैरहेको सुदूरपश्चिम प्रदेश र लुम्बिनी प्रदेश जोड्ने बाटो यहि भएकोले पनि सो स्थानमा बसपार्क उपयुक्त हुने वडा अध्यक्ष लौटन चौधरीले बताए । पितृको स्मृतिमा समाजलाई हित हुने कामकालागी निशुल्करुपमा जग्गादान गर्नु अनुकरणीय काम भएको शिक्षक राजकुमार चौधरीले बताए । 
टीकापुर ९ का स्थायी बासिन्दा समाजसेविको छवि बनाएका गोविन्द श्रेष्ठले नेपाल रेडक्रस सोसाईटी भजनी शाखालाई ८ वर्ष अघि १ करोड मुल्य बराबरको साढे ६ कट्टा जमिन प्रदान गरेका थिए भने, वडाकै सेतिमैयां चौधरी मावि झुंगालाई ७ वर्ष अघि १ कट्टा जमिन दान गरेको बताए ।
समाजसेवाको काम २०३१ सालमा नेपाल रेडक्रस सोसाइटीको आजिवन सदस्य भए पछि सुरु गरेको बताउँदै ।
२०४० सालको विनाशकारी बाढीमा आफ्नो पहलमा बाढी पिडितको उद्धार र राहत वितरण गरिएको स्मरण गर्दै , पछिल्लो पुस्ताका लागी पनि दाताको किर्ति पनि रहने भएकोले बसपार्कका लागी जमिन प्रदान गरेको उनले बताए । लायन्स क्लब नारायणपुर र डोटी स्थित शैलेश्वरी मन्दिरमा पनि आफ्नो पहलमा घेरबार तथा अन्य कार्य गरिएको उनले जानकारी दिए । कोरोना कालमा पनि समाजसेवि श्रेष्ठले विपन्न परिवारका लागी खाद्यान्न सहयोग गरेका थिए ।
समाचार 
