टीकापुर / एशियन लाईफ इन्स्योरेन्स टीकापुर शाखाले आफ्नो १४औं बार्षिकोत्सव मनाएको छ ।
सो अवसरमा टीकापुर नगरपालिका वडा नं २ विजयनगर स्थित मुक्त कमैया आधारभुत विद्यालयका विद्यार्थीलाई शैक्षिक सामाग्री तथा खेलकुद सामाग्री वितरण गरेको छ ।
टीकापुर नगरपालिका वडा नं २ का वडाध्यक्ष प्रकाश बुढाको सभाध्यक्षतामा भएको कार्यक्रमका प्रमुख अतिथि वडा नं १ का वडाध्यक्ष गंगाराम आचार्य रहेका थिए भने विशिष्ट अतिथि कार्यक्रम संयाोजक उपक्षेत्रिय प्रबन्धक गणेश बहादुर साउँद रहेका थिए । 
सामाग्री वितरण कार्यक्रममा संयुक्त रुपमा विद्यालयका प्रधानाध्यापकलाई हस्तान्तरण गरिएको सामाग्री प्रधानाध्यापक द्धारा विद्यार्थीलाई वितरण गरिएको थियो ।
राजापुर उपशाखा इन्चार्ज धर्मपाल भुषालले स्वागत गरेकाे कार्यक्रमको संचालन वरिष्ठ अभिकर्ता बद्री भट्टराईले गरेका थिए । विगत १४ बर्ष देखि टीकापुरमा शाखा कार्यालय स्थापना गरी सेवा दिंदै आएको एशियनलाईफ इन्स्योरेन्स कम्पनी सोमबारदेखि १५औं बर्षमा प्रवेश गरेको अवसरमा केक काटेर जन्मोत्सव मनाएको छ ।
कार्यक्रममा उपक्षेत्रिय प्रबन्धक साउँद विगत स्थापनाकालदेखि नै सामाजिक उत्तरदायित्व अन्तरगत रहेर विभिन्न सामाजिक कार्य गर्दै आइरहेको बताउँदै एशियन लाईफ प्रति अत्याधिक मानिसहरुमा विश्वास रहेकोमा धन्यवाद र आभार प्रकट गरेका थिए ।
समाचार 
