खक्राैला / टीकापुर ९ खक्राैला बाट लागुऔषध सहित पाँच जना पक्राउ परेका छन् ।
टीकापुर –९, खक्रौला स्थित नेपाल भारत सिमा नाकामा रहेको प्रहरी चेक पोष्ट नजिक कालाकुण्डा बाट खटिएको प्रहरी टोलीले उनीहरुलाई हिजो (मंगलबार )साँझ पक्राउ गरेको हो ।
पक्राउ पर्नेमा एक भारतीय नागरिक पनि पक्राउ परेका हुन् ।
ईलाका प्रहरी कार्यालय टीकापुरका अनुसार पक्राउ पर्नेमा टीकापुर –९ कर्मीडाँडाका १९ वर्षीय कुलराम भन्ने कबिर चौधरी, खक्रौला बस्ने २३ वर्षीय प्रकाश बिक र बाजुरा जिल्ला स्वामीकार्तिक खापर गाउँपालिका–५ जेरा घर भइ हाल टीकापुर नगरपालिका–१ ब्लक नम्बर १३ बस्ने १८ वर्षीय रोहन सिंह रहेका छन् । 
यस्तै टीकापुर वडा नं ९ पायलगाउँ बस्ने १९ वर्षीय रिगल भन्ने रमेश साउँद र भारतको लखिमपुर खिरी ग्राम पञ्चालयत ईन्द्रनगर गाउँ पोष्ट सुरतनगर का १८ वर्षीय हरप्रित सिंह सरदारलाई प्रहरीले पक्राउ गरेको हो ।
उनीहरुको साथबाट नेट्राभेट ट्याबलेट १३० थान, स्पासमाेल ट्याबलेट ९ थान र दुई ग्राम चरेश बरामद भएको प्रहरीले जनाएको छ । पक्राउ परेकालाई प्रहरीले हिरासतमा राखेर अनुसन्धान भैरहेको बताएको छ ।
केही दिनयता कालाकुण्डा प्रहरीको सक्रियतामा प्रतिबन्धित दवाइ सहित काराेवारि , प्रयाेगकर्ता समातिए पनि अन्यत्र नाकामा भने प्रहरीले समातेको तथ्यांक छैन ।
स्राेतका अनुसार कैलालीको भजनि क्षेत्रकाे जस बहादुर घाट,पगियापसार, गुलरियाघाट,काैवाखेडा बाट कपडा ,चिनि, हार्डवयर र किराना सामान विना भन्सार सहजै नेपाल पुग्ने गरेको भनाइ रहेको छ । यश बारेमा सशस्त्र प्रहरी विओपि गुलरियाका सशस्त्र प्रहरी निरिक्षक महेश धामी संग जानकारी लिन खाेज्दा सम्पर्क हुन सकेन ।
तस्करीको हब भजनि :
पछिल्लो समयमा भजनि क्षेत्र बाट काैवाखेडा, पगियापसार,लालबाेझिका गरि ५ जना युवाले विना भन्सार प्रहरी संगकाे सेटिङ्मा सामान बाैनिया,सुखड,जाेशिपुर ,लम्कि सम्म पुगाउने गरेको स्थानीयकाे भनाइ छ ।
साे क्षेत्र बाट केही हप्ता अघि मात्र सत्ति भन्सार कार्यालयले पनि कपडा सहित मान्छे र ठूलो मात्रामा चिनि पक्राउ गरेको थियो । भने विअाेपि कालाकुण्डाले ५ जाेडि राँगा नेपाल भित्रीने क्रममा समातेको थियो । पछिल्लो केही महिना यता खक्राैला भन्सार बाट राजस्व संकलनमा भारि गिरावट आएको छ ।
समाचार 
