सत्ति / 
कैलालीको जानकी गाउँपालिकाको अध्यक्ष कान्तिपुर दैनिकमा लामो समय कार्यरत पत्रकार गणेश चौधरी विजयी भएका छन् । नागरिक उन्मुक्ति पार्टीबाट गाउँपालिकाको अध्यक्षमा उम्मेदवारी दिएका चौधरी विजयी भएका हुन । अध्यक्षमा गणेश चौधरीले ७ हजार १ सय ५१ मत पाएर निर्वाचित भएका हुन ।
उनका निकटतम् प्रतिद्वन्द्वी सत्ता गठबन्धनको साझा उम्मेदवार नेपाली कांग्रेसका परशुराम महतौले ५ हजार २ सय ४२ मत पाउँदा एमालेका टेकबहादुर बमले ४ हजार २ सय ४१ मत पाएका छन् ।
त्यसैगरी उपाध्यक्षमा नागरिक उन्मुक्ति पार्टीकै लालमती देवी कठरिया ६ हजार ५ सय २६ मतसहित निर्वाचित भएकि हुन । उनका निकटतम् प्रतिद्वन्द्वी नेकपा एमालेकी गीता चौधरीले ४ हजार ५ मत ल्याउँदा गठबन्धनबाट माओवादीका जय प्रकाश दहितले ४ हजार ५४८ मत प्राप्त गरेको थिए । कैलालीमा नागरिक उन्मुक्ति पार्टीले भजनी, टीकापुर र जोशीपुरमा पनि जित हात पारेको छ ।
समाचार 
