सत्ति / नेपाली काँग्रेस र नेकपा (एमाले)का नेताहरुले नागरिक उन्मुक्ति पार्टीमा प्रवेश गरेका छन् ।
आइतबार टीकापुरमा आयोजित एक कार्यक्रममा काँग्रेस महासमिति सदस्य अरुण चौधरी, जानकी गाउँपालिकाका निवर्तमान अध्यक्ष प्रदिप चौधरीले नागरिक उन्मुक्ति पार्टीमा प्रवेश गरेका हुन । अरुण २०७४ को निर्वाचनमा काँग्रेसबाट कैलाली क्षेत्र नम्बर २ बाट प्रदेश सभा सदस्यमा उम्मेदवार बनेका थिए । साेहि कार्यक्रममा एमालेका केन्द्रीय निर्वाचन आयोगका पूर्व सदस्य केवालाल चौधरी र नेता लालबीर चौधरी नागरिक उन्मुक्ति पार्टीमा प्रवेश गरेका हुन् ।
केवालाल एमाले बाट निर्वाचित भई साविक प्रतापपुर गाविसको अध्यक्ष निर्वाचित भएका थिए । 
रेशम चौधरीका बुबा लालबीर चौधरी २०७४ सालको निर्वाचननमा कैलाली क्षेत्र नम्बर १ (क) बाट नेकपा (एमाले) का तर्फबाट प्रदेश सभा सदस्यको उम्मेदवार थिए ।
नवप्रवेशीलाई नागरिक उन्मुक्ति पार्टीका केन्द्रीय अध्यक्ष रञ्जिता श्रेष्ठले पार्टीमा स्वागत गरेकि थिइन् भने कार्यक्रममा पार्टीका प्रवक्ता ,केन्द्रीय सदस्यहरु ,तथा कार्यकर्ताकाे उपस्थिति रहेको थियो ।
समाचार 
