टीकापुर / टीकापुर नगरपालिका ७ कालाकुण्डामा एक महिलाको शव भेटिएको छ । उक्त शव नदिले बगाएर ल्याएको अवस्थामा फेला परेको हो । 
एक स्थानीयका अनुसार आज करिब १० बजे तिर उक्त शव मोहना नदिमा बग्दै गरेको अवस्थामा भेटिएको थियो । उक्त शव आइतबार राति ८ बजेको समयमा भजनी नगरपालिका वडा नम्बर ५ लालबोझी स्थित जयराम डगौराकी श्रीमती रीमा डगौराको हुन सक्ने आशंका रहेको छ । केहि दिन अघि उनी कन्द्रा नदीमा हाम फालेर बेपत्ता भएकी थिइन । उनी बेपत्ता भएको करिब दुई दिन पछि आज टिकापुर नगरपालिका वडा नम्बर ७ बैदिको कालाकुन्डामा शव फेला परेको छ र स्थानियका अनुसार उक्त शव रीमा कै हुनसक्ने अनुमान छ । प्रहरीका अनुसार थप अनुसन्धान भैरहेको जानकारी प्राप्त भएको छ ।
प्रकाशित : २०७९ असार १४ मंगलवार प्रकाशित
समाचार 
