सत्ति / टिकापुर ७ सत्ति स्थित भानु पुस्तकालयका नवनिर्वाचित पदाधिकारीले भानु जयन्तीको अवसरमा सपथ ग्रहण तथा पदभार ग्रहण गरेका छन् । 
निर्वाचन समितिका संयाेजक विरेन्द्र शाहको अध्यक्षतामा भएको कार्यक्रमका प्रमुख अतिथि टिकापुर ७ का वडा अध्यक्ष यज्ञ न्याैपाने रहेका थिए भने विशिष्ट अतिथिमा वडा नम्बर ८ का अध्यक्ष दिर्घ ठकुल्ला रहेका थिए । कार्यक्रममा सल्लाहकार सिपि खनालले सामाजिक संस्था जातीवाद ,पार्टीवाद , क्षेत्रीयतावादमा बाँडिनु विकासको बाधक हुने बताउँदै पुस्तकालयकाे विकासका लागि सबै एकजुट हुनुपर्नेमा जाेड दिएका थिए ।
सत्ति नारायणपुर बजार व्यवस्थापन समितिका अध्यक्ष पल बहादुर बस्नेतले नयाँ कार्यसमितिले पुस्तकालयलाई अझै उचाइमा पुगाउन सबै संग समन्वय गरेर अघि बढ्नुपर्ने बताए । सत्ति कृषि सहकारिका अध्यक्ष खड्क भण्डारीले जसरी भानुभक्तलाई सामान्य गरिब घरका किसान घाँसिले दिएको उपदेशका कारण नेपाली साहित्य आकाशमा उदाएका छन् । त्यसरी नै सामाजिक काममा धन होइन मन चाहिने बताए । कला,साहित्यकाे संरक्षण र सम्वर्दनका लागि युवापिंढि लाग्नुपर्ने उनलेे बताए । कार्यक्रमका अन्य वक्ताहरुले पुर्व अध्यक्ष स्व.देवेन्द्र जैशिले पुस्तकालयका लागि गरेका असल कामको स्मरण गरेका थिए । साेहि अवसरमा २०९औं भानुजयन्ती मनाईएकाे थियो । कार्यक्रममा सहभागीहरूले आदिकवि भानुभक्त आचार्यको तस्बिरमा पुस्प गुच्छा र अविर अर्पण गरेका थिए। पुस्तकालयका अध्यक्ष मनिराम ढुंगानाले पुस्तकालयले दिने सेवा सबै निशुल्क हुने भएकोले सेवा प्रदान गर्न पुस्तकालय सदैव तयार रहेको बताए । कार्यक्रमकाे संचालन निर्वाचन समितिका सदस्य खुइरे चाैधरिले गरेका थिए ।
समाचार 
