बिहिबार नेकपा (एमाले)का नेता भिम रावलले पत्रकार सम्मेलन गर्ने भएका छन् । एकल सिफारिस भएका रावलले आगामी मंसिर ४ मा हुने आम निर्वाचनमा पार्टी नेतृत्वका कारण टिकट नपाएपछि उनले पत्रकार सम्मेलन गर्न लागेका हुन् ।
उनले सिफारिश नै नभएको व्यक्तिलाई उम्मेदवार बनाइएको सम्बन्धमा उठेका विभिन्न जिज्ञासा, सरोकार र टिकाटिप्पणिका सन्दर्भमा पत्रकार सम्मेलन मार्फत जानकारी गरिने बताएका छन् ।
पत्रको नमुना :-
आगामी मंसिर ४ गते हुने आम निर्वाचनमा मेरो नाम अछाम जिल्ला, प्रतिनिधि सभा, निर्वाचन क्षेत्र नम्बर १ अन्तर्गका नेकपा (एमाले) का वडा, पालिका र निर्वाचन क्षेत्र समन्वय कमिटी तथा अछाम जिल्ला कमिटी र सुदूरपश्चिम प्रदेश कमिटीबाट सर्वसम्मतीले एकमात्र उम्मेदवारको रुपमा सिफारिश भएको तर केन्द्रबाट हटाई सिफारिश नै नभएको व्यक्तिलाई उम्मेदवार बनाइएको सम्बन्धमा उठेका विभिन्न जिज्ञासा, सरोकार र टिकाटिप्पणिका सन्दर्भमा निम्नलिखित मिति, स्थान र समयमा हुने पत्रकार सम्मेलनमा उपस्थितिको लागि हार्दिक अनुरोध छ । सहयोगको लागि धन्यवाद !!
-भिम रावल
मितिः २०७९ साल असोज २७ गते विहिबार । स्थानः कार्कि बैंक्वीट, थापाथली, काठमाण्डौ , समय दिउँसो १ बजे ।
समाचार 
