खक्राैला / सत्ति भन्सारको केही तल पट्टी कर्णाली नदी र माेहना नदीकाे संगमस्थल छ साे ठाउँबाट दिउँसो र रातीकाे समयमा भारत बाट तस्करले लाखाैका सामान नेपाल भित्र्याउने गर्दछन ।
त्याे स्थानलाई तस्करले जिराे प्वाईन्ट नामाकरण गरेका छन ।
साेही स्थानबाट नेपाल भित्र्याई टीकापुर बजार लिई रहेकाे अवस्थामा मंगलबार बिहान पाैने ३ बजेकाे समयमा टीकापुर ८ बटनपुर बाट सत्ती भन्सार र शसस्त्र प्रहरी खक्राैलाकाे संयुक्त गस्ती ठाेलीले ४ लाख बराबरकाे सामान पक्राउ गरेकाे सत्ती भन्सार कार्यालय खक्राैलाका निमित्त प्रमुख तुलसीराम चाैधरीले जानकारी दिए ।
तिहार नजिकिँदै गर्दा भारतबाट तिहार लक्षित सामान तस्करी हुने गरेकाे छ।
तिहारका लागि भन्दै ल्याउदै गरेकाे ईलेक्ट्राेनिक सामान पक्राउ गरिएकाे हाे । पक्राउ गरिएकाे सामानमा झालर लाईट , मल्टिप्लग, ईन्भर्टर ब्याट्री गरि १ लाख ३६ हजार र तीन वटा माेटरसाईकल गरि ४ लाख ३६ हजार बराबरकाे रहेकाे निमित्त प्रमुख चाैधरिले बताए । मंगलबार नै जिराे प्वाइन्ट बाट नेपाल भित्रीन लागेको १० बाेरा चिनि पनि सत्ति भन्सारले पक्राउ गरेको छ ।
विशेषगरी जिराे प्वाइन्ट बाट दिउँसो या रातिको समय भन्सार छलेर सामान ल्याउने व्यापारीले भन्सार गेटमा ड्युटीमा रहने शसस्त्र प्रहरी या स्थानीयलाई भन्सारका कर्मचारीकाे चियाेचर्चाे गराउन राख्ने गरेको एक सुत्रले बतायो ।
भन्सार छलि गरेर सामान नेपाल भित्र्याउने व्यापारीले बाेर्डरमा तैनाथ विभिन्न निकायका सुरक्षाकर्मी र भन्सारका पनि केही कर्मचारीलाई मासिकरुपमा ८ देखि १० हजार दिने गरेको सुत्रले जानकारी दिएको छ ।
विअाेपि खक्राैलाका शसस्त्र प्रहरी निरिक्षक अशोक विष्टलाई साे क्षेत्र बाट रुपैयाँ असुली गरेर तस्करी गराएको भनेर शसस्त्र प्रहरी अत्तरिया बाहिनीले उनलाई अनुसन्धान गरेको शसस्त्र प्रहरी स्रोतले जानकारी दियो । तस्करी गराएको भन्दै बाहिनीकाे करिब डेढ हप्ता अनुसन्धानमा परेका विष्ट पुनः खक्राैला हाजिर भएका छन् ।
कार्यालय खक्राैलाले चालू आर्थिक बर्षकाे साउन महिनामा ४७ लाख २५ हजार ९ सय ७५, भदौ महिनामा २४ लाख ४ हजार २ सय ३५ र असाेज महिनामा १ कराेड१४ लाख ८३ लाख१ सय ६० रुपैया राजस्व संकलन गरेकाे छ ।
असाेज महिनामा स्टिल उद्योगकाे लागि आवश्यक कच्चापदार्थ बाट राजस्वमा बृदि भएकाे र अन्य कपडा हाडवेयर्स र ईलेक्ट्राेनिक सामान भने शून्य रहेको सत्ति भन्सारका नायव सुब्बा दिलिप कुँवरले बताए ।
समाचार 
