सत्ति / टीकापुर ८ खक्राैला बाट लागुऔंषध सहित एक युवक मंगलबार पक्राउ परेका छन ।
नेपाल र भारतकाे सिमानामा पर्ने माेहना नदी नजिकैकाे जिराे प्वाइन्ट स्थित पाैडि खेलेर नेपाल तर्फ आइरहेका एक युवालाई शंका लागि चेकजाँच गर्दा लागुऔंषध सहित पक्राउ गरिएकाे प्रहरी चाैकी कालाकुण्डाका प्रहरी नायब निरिक्षक रेबन्त बाेहराले जानकारी दिए ।
नायब निरिक्षक बाेहराकाे कमाण्डमा चार जना प्रहरीको गस्ती टाेलिले शंका लागि उनलाई चेक जाँच गर्दा प्रतिबन्धित लागू औषध सहित पक्राउ गरिएको जनाइएको छ ।
पक्राउ पर्नेमा टीकापुर ८ चाैगुर्दीका २० वर्षे संजय लुहार रहेकाे बताइएको छ । उनलाइ कट्टु भित्रको कालो प्लाष्टिकको पोका पारी ५ पत्ता NITRAVET-10 लेखेको ट्याब्लेट थान १ सय ४४ फेला पारी बरामद गरी निज लुहारलाई पक्राउ गरी जिल्ला अदालत कैलालीबाट दिन ५ को म्याद थप भई थप अनुसन्धान भैरहेको ईलाका प्रहरी कार्यालय टिकापुरले जानकारी दिएकाे छ । निज लुहारलाई दिउसाे ४ बजेकाे समयमा कार्यालय तथा प्रहरी चौकी कालाकुण्डा कैलालीबाट खटीएको प्रहरी गस्ती टोलीले पक्राउ गरेकाे जनाएको छ ।
केही दिन अघि मात्र आलुकाे बाेरा भित्र आलुकाे दाना खाेक्राे बनाएर साढे २३ ग्राम खैरो हेराेइन सहित टिकापुर १ का एक युवकलाई कालाकुण्डा प्रहरीले पक्राउ गरेको थियो भने निज युवकको बयानका अनुसार टिकापुर ६ का एकयुवालाई पनि प्रहरीले पक्राउ गरेको थियो
समाचार 
