सत्ति / नागरिक उन्मुक्ति पार्टीकाे टिकापुर स्थित कार्यालयमा ढुंगा प्रहार भएको छ। आइतबार राति पार्टी टीकापुर स्थित पार्टी केन्द्रीय कार्यालयमा सुतिरहेको अवस्थामा अध्यक्ष चौधरी माथि ढुंगा मुढा भएको हो। 
‘पार्टी कार्यालयमा पार्टी अध्यक्ष सुतिरहेको अवस्थामा अज्ञात समुहले मध्यरातमा ढुंगा प्रहार गरेका छन्। मध्यरातमा ढुंगा प्रहार बारेबारे हामीले प्रशासनमा जानकारी गराए पनि उहाँहरू यस कुरामा सिरियस देखिनुभएन,’ पार्टी प्रवक्ता दामोदर पण्डितले भने ।
अघिल्लो निर्वाचनमा रेशम चौधरी जितेको उक्त क्षेत्रमा नागरिक उन्मुक्ति पार्टीले स्थानीय तह निर्वाचनमा चार पालिकासहित ९९ जनप्रतिनिधि लाई जिताउन सफल भएको थियो। सो क्षेत्रमा नागरिक उन्मुक्ति पार्टीले पकड बनाएको छ। त्यही भएर विरोधीले ढुंगामुढा गरेको प्रवक्ता पण्डितको दावी छ। नागरिक उन्मुक्ति पार्टीले आसन्न निर्वाचनमा प्रतिनिधिसभा तर्फ ३४ र प्रदेशसभातर्फ ५७ जना उम्मेदवार उठाएको छ।
कैलाली क्षेत्र नं १ मा रेशम चौधरीकी पत्नी रञ्जिता सँगै नेपाली कांग्रेसबाट रामजनम चौधरी र एमालेबाट तपेन्द्र रावल उम्मेदवार रहेका छन् भने राष्ट्रिय स्वतन्त्र पार्टी , राप्रपा , र केही स्वतन्त्र उम्मेदवार पनि रहेका छन् । यसैगरी आइतबार राति नै स्व. टेक बहादुर साउँद स्मृति केन्द्रकाे पर्खाल पनि राति ताेडफाेड भएको छ । गत २१ गते रातिको समयमा १५० मिटर पर्खाल भत्काएको थियो भने गएराति करिब ५० मिटर पर्खाल अज्ञात समुहले भत्काएको स्मृति केन्द्रका सचिव वीर बहादुर चाैधरिले जानकारी दिए ।
निर्वाचनको मुखमा एकैरातमा नागरिक उन्मुक्ति पार्टीको केन्द्रीय कार्यालय र स्व. टेक बहादुर साउँद स्मृति केन्द्र ( बाल उद्यान ) मा ताेडफाेड हुनु मिलेर बसेकाे समुदायलाई विखण्डनकारीले पुनः टुक्राउन खाेजेकाे शिक्षक चित्र बहादुर चाैधरिले बताए ।
समाचार 
