सत्ति / सिमावर्ति क्षेत्र नजिकै बाट लागू औषध सहित आज (” बुधबार ) एक युवा समातिएका छन् ।
पक्राउ पर्नेमा लम्किचुहा नगरपालिका वडा २ माेतिपुर बस्ने वर्ष २५ काे रेविस डाँगी रहेको जानकारी प्राप्त भएको छ । उनलाई लागू औषध सहित प्रहरीले पक्राउ गरेको बताइएको छ ।

drug case prisoner with narcotic and syringe
टिकापुर नगरपालिका वडा नम्बर ८काे अर्नवाफाँटा बाट दिउँसो आज दिउँसो चार बजे सत्ति प्रहरी र कालाकुण्डा प्रहरीको संयुक्त गस्ती टाेलिले गाेप्य सुचनाकाे आधारमा पक्राउ गरेको जानकारी प्राप्त भएको छ । लागू औषध के कति परिमाणमा रहेको भन्ने बारेमा कालाकुण्डा प्रहरी र इलाका प्रहरीका एक जिम्मेवार व्यक्तिलाई जानकारी लिन खाेज्दा पक्राउ परेको व्यक्तिलाई प्रहरीले टिकापुर ल्याउँदै गरेकोले परिमाण थाहा नभएको बताए ।
सिमाक्षेत्र बाट ओसारपसार भैरहेको भएता पनि पछिल्लो केही समय यता प्रहरीले पक्राउ गरेको थिएन । लामो समयको अन्तरालमा प्रहरीले लागू औषध प्रयाेगकर्ता र ओसारपसारमा संलग्न लाई पक्राउ गरेको हो । प्रहरी चाैकि सत्ति र प्रहरी चाैकि कालाकुण्डामा दुई हप्ता अघि मात्र नयाँ इन्चार्ज आएका छन् ।
तस्करी नियन्त्रण संगै लागू औषध नियन्त्रण सिमा क्षेत्रकाे प्रमुख समस्या भएकोले नयाँ चाैकि प्रमुखले गर्ने कामको शैली भने हेर्न बाँकी रहेको स्थानीयकाे भनाइ छ ।